Plataforma en Defensa da Sanidade Pública

• Por unha parte: Reducir o orzamento do Sergas do ano 2011 en 167 millóns de euros (181 millóns no total da Consellería de Sanidade); o gasto corrente, destinado ao funcionamento dos hospitais e centros de saúde, perde 33 millóns e os investimentos, para o mantemento dos centros sanitarios e renovar o seu equipamento perde 59,1 millóns.
• E por outra: Dar entrada ao capital privado no financiamento e xestión das novas infraestruturas sanitarias recorrendo a Colaboración Público-Privada (PFI ou Concesión de Obra Pública) que multiplicara por seis o custe total dos centros seguindo o exemplo das Comunidades Autónomas de Valencia e Madrid, onde tamén goberna e Partido Popular.

Os veciños e veciñas de Cangas somos pacientes por partida triple. Somos pacientes cando estamos enfermos e precisamos dos servizos hospitalarios, somos pacientes porque temos moita paciencia e somos pacientes porque padecemos desde décadas a POVI$A. Somos pacientes con P maíusculo de POVI$A.
Nós si sabemos o que é a sanidade privada e sentímolo moito, pero a mensaxe que vos traemos da nosa experiencia desde o Morrazo non é moi reconfortante. “Disfrutamos”, dito sexa con toda a ironía, das listas de espera cirúrxicas máis grandes de todos os hospitais de Galicia e de “regalo” non temos acceso a servizos como a hospitalización a domicilio ou os coidados paliativos como o resto dos usuarios e usuarias da nosa mesma área sanitaria. Padecemos un “apartheid” hospitalario desde hai décadas.

Miles de persoas procedentes de toda Galicia manifestáronse hoxe polas rúas de Compostela en defensa da sanidade pública, encabezados pola Plataforma SOS Sanidade Pública e os líderes políticos de PSdeG e BNG, e dos sindicatos CCOO, UXT e CIG.
A organización informou de que os seus cálculos de participación roldan as 25.000 persoas, que partiron ás 12:00 horas da Alameda ata chegar á Quintana, que case non puido acoller todos os manifestantes que seguían chegando unha hora e media despois do inicio.
Publicado en Galicia Hoxe

La oposición vuelve a la calle contra "la privatización de la sanidad"
Publicado en El País


"¡Non imos permitir que ninguén faga negocio coa sanidade!"
Publicado en El Correo Gallego


Miles de persoas emiten un SOS pola sanidade pública en Santiago
Publicado en Xornal.com


Más de 15.000 personas exigen la marcha atrás de la "privatización sanitaria" en Galicia
Publicado en Faro de Vigo


Miles de personas salen a la calle en defensa de la sanidad pública
Publicado en La Voz de Galicia

Publicado en Faro de Vigo (17-11-2010)

Antonio Durán “Morris” (actor), Antón Patiño (pintor), Antón Reixa (artista e promotor cultural), Avelino González (actor), Carlos Branco (actor), Cesareo Sánchez (escritor), Fermín Bouza (sociólogo e escritor), Marilar Alexandre (escritora), Manuel Quintana Martelo (pintor), Manuel Rivas (escritor), Maria Reimondez (escritora), Menchu Lamas (pintora), Patricia Vázquez (actriz), Pilar García Negro (filóloga), Suso de Toro (escritor), Uxía Senlle (cantante), Xurxo Souto (músico).

Os servizos públicos como a sanidade, a educación públicas, a asistencia social, son conquistas da cultura humanista, logros de xeracións de traballadores e traballadoras e da cidadanía no seu conxunto. Forman parte dos valores que debe defender calquera sociedade que crea na xustiza social, das cousas que nos dan orgullo, que nos fai sentir que vivimos nunha sociedade un pouco máis xusta que outras. Son o legado que nos deixaron as xeracións anteriores e son, tamén, froito do noso esforzo. Sentimos orgullo dos nosos servizos públicos, sentimos orgullo da nosa sanidade pública, porque é boa, porque nos atende ben, porque podía atendernos aínda mellor cunha política que a coidase e porque, ademais, é nosa.
No tempo de malas colleitas roldan os raposos e baixan os lobos do monte, este é o tempo no que temos que defender a nosa sanidade pública dos que veñen trabar nela mostrando os dentes. Este é o tempo no que temos que defender a sanidade pública da barbarie, tanto ten que a barbarie se nos presente coas mellores maneiras, veñen ao que veñen, veñen a por ela.

Publicado en Faro de Vigo (16/11/2010)

A Voz do Paciente de Bueu, a Plataforma da Sanidade de Moaña e a Plataforma en Defensa da Sanidade Pública de Cangas, presentaron hoxe o "Chamamento á cidadanía do Morrazo en Defensa da Sanidade Pública" apoiando a convocatoria da manifestación do próximo 21 de novembro feita por SOS Sanidade Pública, poñendo o acento nas reivindicacións que son propias da nosa comarca. Este é o texto:
"A comarca do Morrazo, dividida entre as áreas sanitarias de Vigo e Pontevedra, está neste momento tamén inmersa na voráxine privatizadora emprendida pola Xunta de Galicia contra a Sanidade Pública. Tanto o novo hospital de Vigo como o de Pontevedra, téntanse facer mediante a fórmula da Iniciativa de Financiamento Privado (FPI). Se nos referimos ao hospital de Vigo cálculase que a vía escollida polo actual goberno da Xunta incrementa os custes varias veces sobre o previsto inicialmente e que ía ser levado a cabo por unha Sociedade Pública de Investimento (SPI). O caso do hospital de Pontevedra raia no escándalo, pois en troques de ampliar o de Montecelo, óptase pola construción dun novo hospital co único propósito de poñer en práctica ese mesmo modelo privatizador.