18 abr 2015
Qué aconteceu entre a Conselleira e o Director-Xerente do EOXI?
Diante da información aparecida na prensa de que Mario
González foi cesado como Xerente da EOXI de Vigo, de xeito precipitado, sen
esperar sequera á recepción da obra do Novo Hospital polo SERGAS, queremos
comunicar que:
1.- Este cese é un paso máis no caos de xestión do proceso de construción do Novo Hospital co financiamento privado. Este cese/dimisión imprevisto reflexa perfectamente a incapacidade da Consellería para xestionar con criterios de racionalidade a nova infraestrutura, tan necesaria para corrixir os déficit sanitarios da área de Vigo.
2.- Aos problemas de financiamento, aos atrasos de máis de 3 anos na
entrega do proxecto por falta de fondos da Concesionaria; aos recortes de
camas, módulos, superficie e equipamento; ao traslado do laboratorio; á perda
de servizos de referencia en favor do Complexo Hospitalario de Santiago e de
POVISA; ao mantemento da empresa de xestión privada GALARIA; e ao falseamento e
ocultación dunhas listas de espera desproporcionadas, engádese agora o
rocambolesco despedimento do Xerente, sen ningunha explicación máis ou menos
racional.
3.- Esta decisión envolta de opacidade, rumoroloxía e sospeitas supón unha
nova burla aos profesionais e traballadores do CHUVI e do conxunto da área,
(que soportan todo tipo de decisións que lesionan os seus dereitos e a súa
dignidade laboral) e sobre todo á cidadanía da área que leva anos padecendo uns
servizos insuficientes para as súas necesidades, sen que desde a Administración
do PP se lles proporcione a máis mínima explicación, pese a pagar estes
recursos cos seus impostos.
4.- Esiximos da Conselleira de Sanidade que, de xeito inmediato, ofreza
unha información transparente, que explique que está pasando no Hospital, cales
son os motivos do cese do xerente, e as causas do atraso na entrada en
funcionamento do Novo Centro.
5.- Este cese/dimisión vai supoñer tamén un aprazamento en asuntos que
afectan ao Morrazo, como a visita guiada que tíñamos programada para que os
usuarios do Morrazo poidesen coñecer as instalacións do Novo Hospital de Vigo e outros problemas que a Plataforma en Defensa
da Sanidade Pública trasladaba en diferentes escritos dirixidos ao Sr. Director
Xerente. No último escrito, con data de 10 de abril, as Plataformas en Defensa da Sanidade Pública de Cangas e Moaña, poñen
en coñecimento do EOXI que os usuarios asignados á Área de POVISA, que optaron
pola Sanidade Pública, elixindo libremente o cambio de hospital segundo a
Instrucción 7/14 da Consellería de Sanidade, estanse atopando
con determinados problemas de orixe puramente administrativo ou
técnico como son a repetición de probas diagnósticas ou consultas con
especialistas, simplemente por non ser incorporadas no sistema informático
da historia clínica por Povisa e así non están accesibles aos médicos
do servizo público que agora nos atenden e carecen dunha información
imprescindible para prescribir o tratamento axeitado.
Adxuntamos carta dirixida ao Director Xerente do EOXI de Vigo solicitando que poña tódolos medios ao seu dispor para rematar, na maior brevidade posible con esta situación de desconcerto que están a padecer os usuarios.
Etiquetas:
Suscribirse a:
Enviar comentarios (Atom)
Mi lista de blogs
SOS Sanidade Pública
C. de Saúde do Hío, XA!
Xa temos os terreos, e o SERGAS que fai? Enredar.
Queremos médico todo o ano!
Polo CAR para o Morrazo
Redes sociais
Síguenos
100% público
POVI$A: listas de espera
Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com.
Informe POVISA
Kiko da Silva
Alianza Social do Morrazo
0 comentarios: