5 sept. 2015

postheadericon Somos a #MareaBranca: #QueremosSanidadePública

As Platoformas en Defensa da Sanidade Pública de Cangas e Moaña queremos amosar o noso agradecimiento polo apoio recibido por parte da cidadanía. Grazas ás casi 600 persoas que decidiron acompañarnos nos autobuses que fletamos, máis tamén aos que foron polos seus propios medios, sen esquecernos dos que quedaron sen prazas, a pesar de ampliar o número de autobuses contratados ata o último momento, sendo finalmente 10.
Tamén a quen por motivos persoais/profesionais, non puderon participar activamente neste histórico acontecemento: O nacemento da Marea Branca na Área Sanitaria de Vigo.

Non queremos esquecernos das persoas que altruístamente colaboraron na organización, sen elas non sería posible chegar tan lonxe, non sería posible facer historia…

Unha experiencia que nos dá folgos para seguir traballando na defensa dos nosos dereitos, na defensa dunha sanidade 100% pública de tod@s e para tod@s.


Tra-la gran manifestación de onte, e perante as declaracións feitas polo presidente da Xunta de Galicia, o Sr. Núñez Feijoo, na que non dubida en menosprezar o sentir popular, atrevéndose a cuestionar a legalidade desta manifestación e tentando amedrentar aos convocantes con ameazas inútiles, nos indignamos ata o infinito e máis aló... Pedímoslle que esté a altura do seu cargo, tome nota do acontecido onte nas rúas de Vigo e cumpra coas súas responsabilidades como presidente de todos/as galegos/as, comezando pola  creación dun Gabinete de Crise coa participación de técnicos da Conselleria, xefes de servizo, Xunta de Persoal e representantes sociais, para evaluar os problemas e propoñer medidas para corrixir os enormes fallos e deficiencias que presenta o Novo Centro.
Como presidente tamén é da súa responsabilidade ter un equipo de goberno competente que vele polos intereses dos cidadáns e cese de maneira inmediata á Conselleira de Sanidade, que demostrou unha incapacidade total e absoluta para ostentar tal cargo. Non só pola súa nefasta xestión na posta en marcha do Novo Hospital, senón en cada unha das súas xestións como Conselleira, encamiñadas todas elas a beneficiar a empresas privadas (nas que traballou ela mesma e/ou están a traballar na actualidade familiares), sempre en detrimento da nosa sanidade pública, un dos pilares básico do estado de benestar, maltratado –con todos e cada un dos recortes- durante estes últimos anos de goberno do Partido Popular.

Para rematar, non queremos deixar de mencionar aos gobernos municipais de Cangas e Moaña, que amosaron o seu apoio e foron partícipes neste día histórico. A eles lles solicitamos que continuemos da mán e traballemos xuntos pola defensa da sanidade.

Dende a Plataforma de Sanidade Pública de Cangas creemos que é o momento de crear o comprometido Consello de Saúde (lugar de encontro da institución local con representantes de usuarios e profesionáis da asistencia sanitaria), para así poder encauzar as nosas reivindicacións facéndoas chegar de xeito adecuado ás institucións que correspondan, sexan autonómicas ou estatáis.



No Morrazo, a 04 de setembro de 2015

0 comentarios:

SOS Sanidade Pública

C. de Saúde do Hío, XA!

C. de Saúde do Hío, XA!
Xa temos os terreos, e o SERGAS que fai? Enredar.
Queremos médico todo o ano!

Polo CAR para o Morrazo

Redes sociais

Síguenos

100% público

100% público

POVI$A: listas de espera

POVI$A: listas de espera
Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com
.

Informe POVISA

Kiko da Silva

Kiko da Silva

Alianza Social do Morrazo

Alianza Social do Morrazo

Páxinas vistas