Plataforma en Defensa da Sanidade Pública: Refuxiados/as, benvidos/as á comarca do Morrazo

8 sept 2015

Refuxiados/as, benvidos/as á comarca do Morrazo

Somos un pobo solidario e esta traxedia humanitaria nos incumbe a todos e a todas

Conscientes da catástrofe humanitaria que se está a vivir nas fronteiras europeas, as Plataformas en Defensa da Sanidade Pública do Morrazo (Cangas, Bueu, e Moaña) vimos de presentar por rexistro, nos 3 concellos da comarca, un escrito no que, ademáis de poñernos a disposición dos nosos Concellos para que esta acollida sexa nas mellores condicións e respetuosa coa dignidade das persoas, solicitamos:

- Se adhiran á Rede de Cidades Refuxio, como xa fixeron máis de 55 cidades españolas (Barcelona, Madrid, Valencia ou A Coruña, entre outras) mobilizando tódolos recursos (institucionais e sociais) dispoñibles, ademáis de inmobles municipáis que reúnan as condicións para esta acollida.

- Facilite o rexistro de persoas que están dispostas á acollida (Rexistro xa anunciado polo Concello de Cangas que debe ser extensible ao resto de Concellos da comarca)

- Co fin de dinamizar e implicar á codadanía, se convoque con carácter URXENTE unha reunión con tódolas plataformas sociais, ONG’s, asociacións (veciñais, ANPAS, etc.) e calquera outra entidade cívica para colaborar e paliar esta situación extrema que se está a vivir en Europa.

Cartas remitidas aos Alcaldes e Alcaldesa de Bueu, Cangas e Moaña, respectivamente:

Etiquetas: comunicados, refuxiados

0 comentarios:

Publicar un comentario

POVI$A: listas de espera

Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com.