2 ago 2015
Cangas esixe á Xunta unha partida orzamentaria para a construción do Centro de Saúde de Aldán - O Hío
Dende a Plataforma en Defensa da Sanidade
Pública de Cangas, saudamos positivamente que na primeira sesión plenaria desta
nova lexislatura se presente a debate e se aprobe por unanimidade a moción para
esixirlle á Xunta unha partida orzamentaria para o ano 2016 destinada a comezar
a construción do Centro de Saúde de Aldán – O Hío nos terreos de O Viso.
A moción que se debate hoxe aquí, foi
prentada pola Plataforma no rexistro do Concello o pasado 2 de xullo, coa
finalidade de amosar ao goberno municipal a responsabilidade de comprometerse
coas necesidades das dúas parroquias; Aldán e O Hío, que contan con arredor de
5.000 usuarios/as que a día de hoxe síntense, sanitariamente falando,
discriminados respecto ao resto da veciñanza de Cangas.
O consultorio de O Hío e o Centro de Aldán
non presentan condicións dexesables para ofrecer unha asistencia de calidade
tal como recolle o Decreto 200/93 de Ordenación da Atención Primaria; que
establece que os Centros de Atención Primaria, deben estar dotados das mellores
infraestructura físicas e de poder incorporar novas prestacións que garanticen
a calidade da asistencia e así aumentar a capacidade dos profesionais a dar
unha rápida resposta aos problemas de saúde dos cidadáns.
A finalidade da moción que presentamos é
reflexar a lamentable situación na que se atopan os dous inmobles que prestan
atención sanitaria nesas dúas parroquias, e facer constar que a única maneira
de revertir esta situación é coa construcción do novo centro de saúde nos terreos
de O Viso.
Ante esta evidencia esperamos que os partidos que conforman a Corporación
Local voten favorablemente esta Moción.
Non queremos deixar de recordar que a loita pola construcción do
Centro de Saúde, foi -e continúa sendo- motivo de incansable loita dos/as
veciños/as de O Hío, dando lugar a innumerables debates en diferentes sesións plenarias
durante a anterior lexislatura, ocupando en numerosas ocasións páxinas na
prensa local. Ademáis dos enredos e enganos nestes
últimos anos aos veciños por parte do anterior alcalde.
Tamén, hoxe, queremos lembrarnos do Pleno
Extraordinario do pasado 22 de decembro de 2014, celebrado a petición dos
grupos da oposición (BNG, PSOE PsdeG e ACE) na que instaban á Xunta de Galicia
a consignar (tamén como hoxe) unha partida orzamentaria para 2015; pola outra
banda estaba a proposta do PP que non só “instaba á Xunta de Galicia para que
se iniciase a construción do devandito Centro de Saúde” senón que tamén instaba
“á construción do CAR en Cangas e así rematar definitivamente coas deficiencias
en infraestructuras sanitarias que padece o noso municipio.”
Dende a Plataforma entendemos que, tanto o
acordo plenario do mes de decembro así como a moción que se debate hoxe non
presentan diferencias esenciais nos plantexamentos
(salvo a esixencia por parte da oposición dunha data tope ao traslado do
consultorio de O Hío ás dependencias da casa da Unión). Hoxe en día vaise a
producir con seguridade ese traslado sen ter comprometida unha data tope de
permanencia á consulta da casa da Unión.
Entendemos que a
situación é a mesma, salvo un elemento novo fundamental neste escenario, a
veciñanza.
Na anterior
lexislatura, a veciñanza de O Hío e as súas reivindicacións eran menosprezadas
polo Sr. Sotelo e o seu equipo de goberno, o que provocou a perda total de
confianza que deu orixe a un ambiente de crispación total entre a institución
local e as asociacións de veciños/as que abandeiraban esta loita.
A Plataforma en Defensa da Sanidade Pública
de Cangas valora positivamente que se esté avanzando hacia este clima de
confianza e compromiso entre a institución local e os/as veciños/as co
obxectivo firme de aunar esforzos e xuntos sexamos quen de presionar e acadar
que ás institucións autonómicas cumpran cos compromisos adquiridos coa sanidade
pública e poñan ás parroquias de O Hío e Aldán en igualdade ao resto de
parroquias.
Dende a Plataforma estaremos atentos a que
este clima non se rompa, que esta corporación cumpra coa súa responsabilidade
de defender os intereses dos/as veciños/as nun claro paso adiante na defensa da
Sanidade Pública e sexa merecedor desa confianza que lles depositan.
Etiquetas:
comunicados,
cs do hio
Suscribirse a:
Enviar comentarios (Atom)
Mi lista de blogs
C. de Saúde do Hío, XA!
100% público
Webs adheridos
Kiko da Silva
Plataformas de Galicia
- SOS Sanidade Pública
- Plataforma Contra a Privatización - Pontevedra
- Plataforma en defensa da Sanidade Pública - Área do Ferrol
- Plataforma en Defensa da Sanidade Pública da Área do Barco
- Plataforma en Defensa da Sanidade Pública de Monforte
- Plataforma en Defensa da Sanidade Pública do Barbanza
- Plataforma en Defensa da Sanidade Pública de Marín
- Asociación Pro Sanidade Digna de Ourense
0 comentarios: