17 mar 2015
#19M: PODEROSAS RAZÓNS PARA FACER A MOBILIZACIÓN EN DEFENSA DA SANIDADE PÚBLICA EN CANGAS EN CONTRA DOS RECORTES SANITARIOS
A Sanidade Pública foi unha
das conquistas sociais máis notables que lograron as clases populares nos anos
oitenta e que quedou recollida na Lei Xeral de Sanidade do 14/1986 do 25 de
abril, onde se garante a Asistencia Sanitaria Universal e Gratuita para todos
os cidadáns deste país.
A política de recortes do
goberno de Mariano Rajoy, en Madrid, e de Alberto Nuñez Feijoo, na Xunta de
Galicia, é tan implacable que en só tres anos retrocedemos tres décadas. Aos
tres meses de chegar ao goberno, dinamitaron a lexislación vixente co Real
Decreto 16/2012 e iniciaron un camiño de privatización do sistema de longo
calado.
Detrás destas decisións políticas,
hai claramente unha ideoloxía neoliberal clasista que pretende agrandar o
sector privado á costa de reducir o sector público, que pretende recuperar unha
sanidade dualizada (asegurando a privada para os que poden pagala e outra de
beneficencia para os que non imos poder pagala).
- Discriminación histórica da
Atención Sanitaria
Os/as veciños/as do Morrazo, levamos máis de 25 anos padecendo unha
discriminación en Atención Sanitaria sen precedentes en España, ao ter que
recibir a prestación sanitaria pública nun Centro Privado.
-Ata fai moi poco, non dispoñíamos do máis que demandado servizo de Hado
e Coidados Paliativos.
-As mulleres do Morrazo non todas podemos acudir á Unidade
Multidisciplinar de Cancro de Mama do Meixueiro, cando nos diagnostican un cancro
de mama.
-Continuamos soportanto, tormentosamente, as listas de espera
quirúrxicas máis longa de toda Galicia.
Toda esta discriminación, conta co beneplácito da nosa Conselleira de
Sanidade, a Srª Rocio Mosquera, que lle permite non cumprir o Decreto 104/2005,
do 6 de maio de garantías de tempo mínimo na lista de espera.
Estos políticos, non
teñen vergoña. Acaban de asinar, este pasado setembro, un Novo Concerto opaco, do que
ocultan o prego de condicións dos compromisos que asumen ambas partes,
constatando, unha vez máis, a maneira de proceder deste goberno, que actúa de
costas aos cidadáns e amosan falta de transparencia no emprego do erario
público.
O único que sabemos é que Povisa vai cobrar 90 millóns de euros anuais -máis
IVE-, durante 10 anos e que, ao final do Concerto, sumará un montante de cartos
públicos de 900 millóns de euros que sairán das nosas carteiras.
- Centro de Alta Resolución
A débeda histórica que ten a
Consellería de Sanidade con Cangas, só comenzaría a saldarse, coa construción
do prometido Centro de Alta Resolución, que permitiría descentralizar a
actividade hospitalaria ou, o que é o mesmo, achegar os Servizos hospitalarios
á poboación, sendo os especialistas quen se desplazarían ao CAR.
A importancia dun Centro
destas caraterísticas radica, precisamente, na consulta única no mesmo acto
asistencial, coa comodidade para os pacientes ao non ter que desplazarse ao
hospital de referencia varias veces, unhas para realizar as probas e outras
para coñecer os resultados.
Foi no 2008, cando a
Consellería de Sanidade elabora un informe técnico favorable a súa construción,
nunha parcela de 20.000
metros cadrados -de titularidade privada-, proposta polo
Concello e situada nas proximidades do núcleo da Pedreira.
Coa chegada de Alberto Núñez
Feijoo á Xunta de Galicia, no 2009, paralizase a contrución desta
infraestrutura tan importante como necesaria para Cangas, non só dende un punto
de vista asistencial senón tamén dende un punto de vista económico, pois nestes
momentos de crise, suporía un nada desprezable investimento que axudaría a
paliar os efectos do paro e da depresión que padecemos na nosa Comarca.
- Centro de Saúde Aldán - Hío
As parroquias de Aldán e do
Hío, conforman un núcleo residencial claramente definido e diferenciado dentro
do Concello de Cangas e que xira entorno a ría de Aldán.
As cinco mil cartillas destas
dúas parroquias son un número suficientemente importante para que as
desigualdades sanitarias que levan anos padecendo, con respeito ao resto da
veciñanza do municipio, rematen xa.
A loita dos/as veciños/as do
Hío merece que este día de mobilización, en contra dos recortes sanitarios, se
visualicen nas rúas de Cangas, denunciando que o acordo do pleno do pasado 22
de decembro, celebrado a petición dos grupos da oposición, e en contra de todos
os veciños, lle permitiu ao Señor Sotelo aprobar a rehabilitación da Casa da
Unión, solución que está moi lonxe de solventar o problema sanitario que padece
esta parroquia.
Tamén hoxe, volvemos saír á rúa
para reclamar o Centro de Saúde XA!
-
Afectados pola Hepatite C
Dende a Plataforma en Defensa
da Sanidade Pública de Cangas queremos amosar o noso apoio e solidaridade
aos/ás enfermos/as da Hepatite C e as súas familias, que están pasando por
verdadeiros dramas humanos, por culpas das mentiras dos que nos gobernan. Xogan
coa enfermidade e a dor, enredan e minten, antepoñendo os intereses económicos
das multinacionais aos das persoas.
Non esquezamos que hoxe son elas
e eles, pero mañán podemos ser calquera nos.
Compañeiras/os
do Hío, Compañeiras/os
da Plataforma de Afectados da Hepatite C, moita
forza e unidade, non
estades sós, eiquí
está o pobo de Cangas con todos vós.
Suscribirse a:
Enviar comentarios (Atom)
Mi lista de blogs
C. de Saúde do Hío, XA!
100% público
Webs adheridos
Kiko da Silva
Plataformas de Galicia
- SOS Sanidade Pública
- Plataforma Contra a Privatización - Pontevedra
- Plataforma en defensa da Sanidade Pública - Área do Ferrol
- Plataforma en Defensa da Sanidade Pública da Área do Barco
- Plataforma en Defensa da Sanidade Pública de Monforte
- Plataforma en Defensa da Sanidade Pública do Barbanza
- Plataforma en Defensa da Sanidade Pública de Marín
- Asociación Pro Sanidade Digna de Ourense
0 comentarios: