18 oct 2014
O HADO no Morrazo
Fonte: FdV |
Fronte a Atención domiciliaria, de competencia exclusiva da Atención
Primaria – os médicos de cabeceira- o HADO (HOSPITALIZACION A DOMICILIO) atende pacientes que precisan coidados intensos ou
complexos ao saír do hospital e que non poden ser asumidos polos médicos de
primaria. Este servizo existe no pais desde o ano 1982 e na area de Vigo –
Meixoeiro e Xeral- desde os anos 90.
Os cidadáns do Morrazo, por estar obrigatoriamente en
Povisa, fomos excluídos deste servizo durante todos estes anos, simplemente por
vivir aquí e a pesar de pagar nosas cotas e impostos igual que os demais.
E despois de 20 anos de discriminación intolerable
veñen os Directivos de POVISA, xa instalados no C.Saúde de Moaña, e nos
explican que “la forma de financiación del anterior concierto de Povisa no lo
permitía, pero ahora ellos compraron el servicio y nosotros lo prestamos”...?
Como Plataformas vimos reivindicando este servizo e
esixindo explicacións en todos os ámbitos, e as respostas sempre foron outras.
Fai un ano a Delegada da Xunta, en reunión formal coa Xerencia do Chuvi,
manifestounos oficialmente que era un problema estrutural do servizo, que as “isocronas de actuación” só chegaban a
Rande...Máis recentemente o Valedor do Povo, reflectindo información do propio
Sergas, insistía na explicación e que este problema estaba en vías de
solución... Pois resulta que a Delegada da Xunta e o Sergas mentiron
descaradamente as Plataformas e ao Defensor. Simplemente non estaba no anterior
acordo con Povisa e, por iso non se prestaba.
No xeito tan singular que ten o Sergas de tratar ao
Morrazo , agora vanse mesturar nesta área a atención primaria, os coidados
paliativos e a hospitalización domiciliaria para atender aos pacientes de
POVISA, creando unha nova discriminación: Quen
vai a prestar este servizo aos usuarios que, tendo a atención primaria nos
Centros de Saúde de Cangas e Moaña, pasemos aos hospitais públicos da area? O
HADO privado de Povisa- fora do concerto- ou van a ser os HADOS de Vigo que salten
as “isocronas de Rande”?
A discriminación colectiva e aos danos persoais
causados sumase a ocultación e o engano sistemático xa que sempre se nos
ocultou o verdadeiro motivo, do mesmo xeito que agora se oculta o convenio
actual no que, segundo din os Directivos de Povisa, “xa compraron o HADO”...e non haberá máis letra pequena?
Quen garante que este persoal e medios privados, cos
letreiros ben visibles de Povisa, só prestará atención aos usuarios da sanidade
pública e non aos seus clientes privados?
Onde estao as Comisións de Control que establece a
lei? Cales son as cláusulas do Concerto? Por qué non se pon en marcha o Car ou
os Centros de Saúde de Moaña e o Hío? Non dependerán tamén do acordo secreto
con Povisa?
Cando tanto e durante tanto tempo se nos teñen
agachado os verdadeiros compromisos do Sergas con Povisa, facendo acordos
secretos cos nosos cartos e coa nosa saúde, estamos perfectamente lexitimados
para ter fondas dúbidas sobre a posibilidade de
prácticas ocultas contra dos dereitos dos cidadáns e desde logo vese
unha clara intencionalidade de crear suficiente confusión entre os usuarios
para que non opten pola sanidade pública.
- Dossier de prensa: Faro de Vigo
Suscribirse a:
Enviar comentarios (Atom)
Mi lista de blogs
C. de Saúde do Hío, XA!
100% público
Webs adheridos
Kiko da Silva
Plataformas de Galicia
- SOS Sanidade Pública
- Plataforma Contra a Privatización - Pontevedra
- Plataforma en defensa da Sanidade Pública - Área do Ferrol
- Plataforma en Defensa da Sanidade Pública da Área do Barco
- Plataforma en Defensa da Sanidade Pública de Monforte
- Plataforma en Defensa da Sanidade Pública do Barbanza
- Plataforma en Defensa da Sanidade Pública de Marín
- Asociación Pro Sanidade Digna de Ourense
0 comentarios: