30 dic 2013
O BNG pregunta polo concerto de POVISA
Á mesa do Parlamento
O Grupo
Parlamentar do Bloque Nacionalista Galego (BNG), por iniciativa das súas
deputadas Montserrat Prado Cores e María do Carme Adán Villamarín,
e do seu deputado Daniel Rodas Chapela, ao abeiro do disposto no
Regulamento da Cámara, presenta a seguinte proposición non de lei para o seu
debate en comisión, relativa á renovación do concerto singular entre o
SERGAS e POVISA.
Segundo
unha nota colgada con data 27 de decembro de 2013 na súa páxina web, “o
Servizo Galego de Saúde vén de asinar un acordo co centro hospitalario POVISA
que recolle a conformidade coa redacción dos pregos que rexerán o novo
concerto. Trátase dun concerto de base capitativa, que establece unha cápita de
540 euros e que terá vixencia durante 8 anos, prorrogables por dous máis.
Comézase así o trámite administrativo necesario que culminará nun prazo de tres
meses coa firma do concerto. Este concerto garantirá a estabilidade do centro
hospitalario POVISA e permitirá a libre elección para a súa poboación de
referencia”.
Esta
información da sinatura dun acordo para a renovación do Concerto Singular de
POVISA co SERGAS, non fai máis que confirmar a evidente aposta do Partido
Popular á fronte do Goberno galego pola privatización da sanidade pública
galega. Reflicte o apoio á sanidade privada frente aos recortes continuos e o
desmantelamento da sanidade pública.
Esta
renovación, coa mesma fórmula do anterior acordo 2001-2010, por dez anos, 8
anos prorrogábeis por dous máis (que é o período máximo que permite a lei de
contratos), supón a entrega a unha empresa privada dunha parte importantísima
da atención sanitaria especializada do sur da provincia de Pontevedra, que
afecta a 139.000 persoas.
Un
acordo que vai supor un custo de 75 millóns de euros anuais, que sairán dos
impostos de tod@s @s galeg@s, aos que haberá que engadir outros custes como a
facturación dos servizos de referencia de queimados, maxilofacial e ciruxía da
man, xa entregados pola Xunta a este centro privado, ou o gasto farmacéutico.
O
SERGAS vai renovar un concerto singular con POVISA co mesmo importe económico
que anos anteriores a pesares de que reduciron os orzamentos sanitarios en
Galiza. No período 2009-2013 levan recortado nun servizo esencial como é a
sanidade 369.689.080 millóns de €, recorte sobre recorte.
Este
concerto cun centro sanitario privado que triplica as listas de espera media
dos centros hospitalarios públicos de Galiza, que leva anos producindo
malestar, insatisfacción e preocupación na poboación do Morrazo, Val Miñor e
varios barrios de Vigo, obrigatoriamente adscrita para a atención especializada
a este centro.
Non
hai xustificación para esta enorme subvención pública a un centro privado con
serios problemas de eficiencia mentres se recorta asistencia, se abandona a
mellora da Atención Primaria, se paraliza a actividade dos hospitais pola
tarde. Mentres se introducen todo tipo de copagos a persoas con importantes
necesidades asistenciais e baixo nivel de renda, ou se baixan os salarios e
condicións laborais d@s traballador@s sanitari@s públic@s.
Por
estas razóns, o grupo parlamentar do Bloque Nacionalista Galego presenta a
seguinte proposición non de lei para o seu debate en comisión:
“O
Parlamento de Galiza insta ao Goberno galego a:
- Anular o acordo asinado entre o SERGAS o centro hospitalario POVISA para o establecemento dun novo concerto para a prestación da asistencia especializada na Área Sanitaria de Vigo.
- Poñer en marcha todas as actuacións precisas para que a totalidade da poboación desta Área Sanitaria poida ter asistencia especializada na sanidade pública.”
Santiago de Compostela, 30 de decembro de
2013
Asdo.: Montserrat Prado Cores
Daniel Rodas Chapela
Deputada e deputado do G.P. do BNG
María do Carme Adán Villamarín
Portavoz S. do G.P. do BNG
Suscribirse a:
Enviar comentarios (Atom)
Mi lista de blogs
C. de Saúde do Hío, XA!
100% público
Webs adheridos
Kiko da Silva
Plataformas de Galicia
- SOS Sanidade Pública
- Plataforma Contra a Privatización - Pontevedra
- Plataforma en defensa da Sanidade Pública - Área do Ferrol
- Plataforma en Defensa da Sanidade Pública da Área do Barco
- Plataforma en Defensa da Sanidade Pública de Monforte
- Plataforma en Defensa da Sanidade Pública do Barbanza
- Plataforma en Defensa da Sanidade Pública de Marín
- Asociación Pro Sanidade Digna de Ourense
0 comentarios: