Plataforma en Defensa da Sanidade Pública

Ante a noticia da renovación do Concerto Singular de POVISA co SERGAS (que lle mantén como hospital de área), o día 28 de decembro, a Asociación Galega para a Defensa da Sanidade Pública quere comunicar:

1. Que a data escolleita para a firma, Día dos Inocentes, correspóndese perfectamente co espírito do acordo xa que supón unha burla aos cidadáns galegos (especialmente aos atendidos por POVISA no Morrazo, Coia e no Valmiñor que soportan unha lista de espera que duplica a dos hospitais públicos, á vez, que reciben menos servizos asistenciais).
2. A renovación do Convenio por dez anos deixará en mans privadas toda a atención especializada do Área Sur de Pontevedra, unha vez que entre en funcionamento o Novo Hospital de Vigo construído e xestionado de acordo ao modelo PFI.
3. O Convenio supoñerá para os cidadáns galegos un custo de 75 millóns de euros anuais, sen contar o gasto farmacéutico nin a facturación dos servizos de referencia de queimados, maxilofacial e ciruxía da man cedidos pola Xunta a este centro privado. Non parece xusto nin razoable esta enorme subvención pública a un centro privado con serios problemas de eficiencia mentres se recorta asistencia, conxélase a mellora da Atención Primaria, paralízase a actividade dos hospitais pola tarde, introdúcense todo tipo de copagos a persoas con importantes necesidades asistenciais e baixo nivel de renda, ou se baixan os salarios e condicións laborais dos traballadores sanitarios públicos.
4. Baixo o paraugas da libre elección o Concerto permitirá anualmente a POVISA seleccionar aos seus pacientes atendendo aos seus intereses empresariais xa que lle permitirá captar pacientes e ofertar servizos fóra da súa área actual
5. A negociación do acordo estivo como sempre rodeada de oscurantismo e falta de transparencia, o que fai temer o peor para os intereses xerais. Os conflitos de intereses entre a empresa e os máis altos cargos da administración sanitaria obríganos a esixir que este Concerto sexa anulado pola futura administración que responda aos intereses reais da cidadanía de Galicia.