Plataforma en Defensa da Sanidade Pública

A Asociación Galega para a Defensa da Sanidade Pública considera un enorme éxito a folga Xeral da Sanidade Pública Galega e as manifestacións cidadás e profesionais en contra o desmantelamento e privatización do sistema sanitario na nosa Comunidade Autónoma.
Ao noso entender esta enorme mobilización móstranos:

1. A necesidade da unidade sindical, por encima das lexítimas diferenzas ideolóxicas, para opoñerse ás políticas de precarización dos traballadores sanitarios que pretenden desenvolver a Xunta de Galicia
2. O rexeitamento da utilización da xestión clínica pola Consellería de Sanidade para fragmentar e privatizar os centros sanitarios (coa complicidade dalgunhas figuras sanitarias envoltas de profesionalismo e de neutralidade ideolóxica que ocultan os seus conflitos de intereses co sector privado). 
3.  Que a maioría dos profesionais comprenderon que a Xunta pretende utilizar a Xestión Clínica para
• Fraccionar os centros sanitarios públicos en múltiples empresas de xestión privada; introducir os intereses de laboratorios, industria tecnolóxica e fondos de investimento multinacional
• Facerlles cómplices dos recortes sanitarios vinculando os seus incentivos económicos ás políticas de aforro das Unidades de Xestión. 
4. A potencialidade da alianza de sanitarios e cidadáns en defensa da sanidade pública como única alternativa para defender os seus intereses comúns e para facer fronte á privatización con posibilidade de éxito. Gran parte da poboación galega quixo deixar claro (por encima de diferenzas ideolóxicas) o seu rexeitamento á política de recortes e privatización da sanidade do Partido Popular.

Por todo iso consideramos necesario manter unha estratexia unitaria e de mobilización sostida contra a privatización