Plataforma en Defensa da Sanidade Pública

A Plataforma SOS Sanidade Pública sumarase mañá á concentración de todos os sindicatos que forman a Xunta de Persoal do Complexo Hospitalario de Vigo dado que compartimos os obxectivos  desta mobilización:

1. Rexeitamento aos recortes de dereitos dos usuarios, copagos e privatizacións da sanidade pública
2. Rexeitamento á redución de recursos e de dereitos laborais dos traballadores sanitarios, que repercutirán na calidade da asistencia.
3. Apoio ás mobilizacións dos traballadores e cidadáns da CCAA de Madrid en contra do desmantelamento e privatización do sistema sanitario pública, que si non se detén afectará a todo o sistema incluído o galego.
4. Rexeitamento aos recortes do proxecto de Novo Hospital de Vigo, esixencia de reanudación das obras e recuperación do mesmo para o financiamento e xestión pública.

A Plataforma mostrará o seu apoio á os profesionais e traballadores do CHUVI realizando unha reunión á entrada do Hospital onde se pretende debater e aprobar:

1. Apoio á Concentración dos sindicatos da Xunta de Persoal e as súas demandas
2. Planificar novas mobilizacións en Vigo en Defensa da Sanidade Pública e pola recuperación do Proxecto de Hospital polo Sistema Sanitario Público
3. Debater o apoio á solicitude dos traballadores sanitarios de Madrid dunha Marea Branca en todo o Estado en defensa da sanidade pública e contra o desmantelamento e privatización dos centros sanitarios públicos desa CCAA.

A reunión celébrase mañá martes 15 de xaneiro ás 17:30 horas na entrada do Hospital Xeral, coa presenza dous máximos representantes de tódalas organizacións e asociacións que forman parte da Plataforma.