Plataforma en Defensa da Sanidade Pública

Diante do plan do SERGAS de privatizar todas as intervencións dirixidas ao cumprimento dos tratamentos antituberculosos dentro do Programa Galego de Prevención e Control dá Tuberculose a AGDSP quere comunicar:

1. Consideramos inaceptable que se inicie a privatización da actividade asistencial dos servizos sanitarios. Ata agora a privatización circunscribíase aos servizos de apoio como a financiaón e xestión dos centros, a informática, a central de compras ou a información a cidadáns.
2. É escandaloso gastar 706.642 euros ao ano nunha actividade que pode realizar perfectamente o SERGAS, mentres co argumento da crise, se retira a gratuidade dos medicamentos aos pensionistas, se supríme o financiamento de 400 medicamentos, ou obrígase aos enfermos e discapacitados a pagar o transporte en ambulancia, as próteses, cadeiras de rodas, os alimentos especiais aos enfermos crónicos ou se paraliza o Plan de Atención ás Persoas Dependentes. Non e aceptable malgastar semellante cantidade de diñeiro para beneficiar a empresas privadas, cando esta actividade podería realizala o persoal do sistema sanitario público.
3. Este plan pon en risco a calidade da atención dos pacientes con tuberculoses dado que o persoal dos servizos públicos deberon superar probas que garanten a súa formación, coñecementos e habilidades, cousa que non ocorre nas empresas privadas, cuxo persoal adoita ser escaso e labor a precariedade e contratos lixo (como é de dominio público).
4. A externalizacion duna parte do Programa Galego de Prevención e Control da Tuberculose supón, además de dificultar a coordinación entre servizos públicos e privados, deixar en mans privadas información relevante dos pacientes, pondo en risco a confidencialidade dos mesmos, especialmente nun tema tan delicado como a tuberculose.
5. Esta medida ademais de despilfarradora en momentos de crises, irracional e perigosa para os pacientes e un paso máis no desmantelamento e descapitalización do sistema sanitario público en beneficio do sector privado afín ao goberno do PP. O desmantelamento dos servizos asistenciais vai supor ademais unha onda de despedimentos de traballadores do sector público. Hai que reaccionar desde a sociedade e os servizos sanitarios contra esta tolemia do goberno do PP que pon en perigo a calidade e a supervivencia do sistema sanitario público.