Plataforma en Defensa da Sanidade Pública

A Asociación Galega para a Defensa da Sanidade Pública ante a demora na publicación das listas de espera quere comunicar:

1.  Que sospeitamos que esta demora débese á vontade de ocultar o crecemento das listas, consecuencia das políticas de recorte de actividade introducida polo SERGAS nos centros. O actual goberno suspendeu a actividade de tarde de consultas, probas diagnósticas e quirófanos, e aínda que derivan unha parte das mesmas a centros privados concertados, estes non poden absorber o enorme volume de pacientes acumulados polos recortes.
2. Galicia ocupa o segundo lugar do Estado en espera cirúrxica tanto en pacientes en espera por mil habitantes como en tempo de demora, polo que un incremento das mesmas pode desencadear unha importante alarma social.

Fuente: Asociacion El Defensor del Paciente. Memoria 2011

Fuente: Asociación El Defensor del Paciente. Memoria 2011

3. Esiximos que a administración sanitaria respecte o dereito da cidadanía galega á información sanitaria, especialmente nuns momentos tan delicados onde se están introducindo importantes medidas de recortes e privatización dos servizos públicos. A publicación das listas debe facerse sen maquillalas e deben incluír as estruturais como as non estruturais (xa que se ata agora ocultáronse sistematicamente ao 40% dos pacientes en espera).