Plataforma en Defensa da Sanidade Pública

A Federación de Asociacións para a Defensa da Sanidade Pública, Asociación Galega para a Defensa da Sanidade Pública e a International Association of Health Policy ante a ameaza da multinacional farmacéutica Roche de retirar o subministro de medicamentos aos hospitais gregos e eventualmente a algúns outros países ten que sinalar:
1) A prestación farmacéutica é un dereito básico para asegurar o dereito á protección da saúde e debe de ser garantida por encima dos intereses comerciais das multinacionais.

2) A multinacional Roche, como a maioría das empresas farmacéuticas teñen uns beneficios impresionantes, moi por encima da media das demáis empresas e poden perfectamente asumir unha diminución dos mesmos de xeito temporal e ata definitiva sen pór en risco a súa viabilidade.
3) Roche acaba de facer un negocio fabuloso co antiviral Tamiflu na última alarma infundada da pandemia da gripe AH1N1, que se vendeu masivamente a case todos os países do mundo, entre outros a Grecia.
4) A multinacional Roche, como as empresas farmacéuticas en xeral, non se caracteriza precisamente pola súa transparencia e se polo seu empeño en promocionar fármacos cuxo custo/beneficio é dubidoso.
Nesta situación estimamos que a Unión Europea debe de esixir a Roche que se garanta a subministración dos medicamentos indispensables a Grecia e os estados membros deben de asegurarse que non se vai a producir ningún problema de desabastecemento, se é necesario acudindo a fontes de subministración alternativas e/ou levantando temporalmente a protección das patentes por motivos de Saúde Pública.