30 sept 2011

postheadericon A AGDSP denuncia que a formula do "diálogo competitivo" supón máis privatización

O Partido Popular aprobou o pasado 27 de setembro unha proposición non de lei para implantar un modelo de xestión que permitirá renovar a alta tecnoloxía dos centros hospitalarios á que denomina "fórmula do diálogo competitivo" para a adquisición de equipos tecnolóxicos e o seu mantemento.
Esta Lei supón un paso mais  na extensión da colaboración público-privada (PFI), neste caso aplicada a renovar os equipos de alta tecnoloxía como TAC, resonancias magnéticas, radiografías dixitais ou mamografías nos centros hospitalarios públicos, que comezará polo equipamento do Novo Hospital de Vigo e dos tres centros de alta resolución (CAR) proxectados para Galicia cun custo duns 200 millóns de euros.

Por este sistema xa non serán os técnicos do Sergas os que definirán, mediante concurso, que aparellos necesitan os hospitais públicos, senón as propias empresas que participarán directamente na elaboración do contrato, establecerán as características dos aparellos que elas mesmas proporcionarán á Administración pública e que financiarán e xestionarán.
Grazas a esta fórmula as empresas tecnolóxicas venderán canto aparello poidan e ao maior prezo (sen contar os sobrecustos da PFI, que de acordo á experiencia europea e española, multiplican por sete os custos reais). Con esta Lei as multinacionais da industria tecnolóxica conseguiron o que perseguían desde fai anos: ser arte e parte na repartición do diñeiro público que destinamos a sanidade. Isto suporá:
  1. Eliminar as cautelas que a función pública mantivo durante anos e que obrigaban a que os concursos de adxudicación e compra de equipamento, ativésense aos principios de transparencia, eficiencia e libre concorrencia, para evitar favoritismos, corruptelas e malversación dos fondos públicos.
  2. Un paso máis na privatización do sistema sanitario galego, cuxos servizos tecnolóxicos quedarán en mans de empresas privadas.
  3. Uns sobrecustos, que hipotecarán aínda máis as recortadas e maltreitas arcas da sanidade pública para favorecer a grupos empresariais multinacionais afíns ao poder, como en Valencia e Madrid.

0 comentarios:

SOS Sanidade Pública

C. de Saúde do Hío, XA!

C. de Saúde do Hío, XA!
Xa temos os terreos, e o SERGAS que fai? Enredar.
Queremos médico todo o ano!

Polo CAR para o Morrazo

Redes sociais

Síguenos

100% público

100% público

POVI$A: listas de espera

POVI$A: listas de espera
Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com
.

Informe POVISA

Kiko da Silva

Kiko da Silva

Alianza Social do Morrazo

Alianza Social do Morrazo

Páxinas vistas

Powered By Blogger