Plataforma en Defensa da Sanidade Pública: Medidas urxentes para tratar as urxencias

17 ene 2016

Medidas urxentes para tratar as urxencias

Tra-las declaracións, neste caso dos responsables políticos locáis e do Xefe de Servizo do PAC de Cangas, forzados polos pacientes que, a comezos deste mes denunciaban a situación real das urxencias no Centro de Saúde de Cangas, queremos manifestar o noso rexeitamento xa que, esta non é unha situación puntual nin moito menos podemos aceptala como "normal", tal e como se interpreta nas declaracións do Dr. Villoch e que fai súas o Conselleiro de Benestar e Saúde, o Sr. Tomás Hermelo.

Ás queixas feitas polos cidadáns súmanse tamén as do persoal sanitario, que, ademáis de traballar baixo unha presión extra pola falta de recursos e persoal, como coñece e recoñece a propia administración autonómica, comproban como a prestación do servizo é dunha calidade que está lonxe de ser óptima, repercutindo directamente na nosa saúde.

Dende a Plataforma de Sanidade Pública de Cangas, en representación dos/as usuarios/as da sanidade pública e na súa defensa, cremos que esta situación é intolerable, polo que, solicitamos aos nosos representantes locáis que tanto na reunión que manteñan con dito organismo (anunciada na prensa polo propio Alcalde), como o comunicado que lle fagan chegar (tal como anunciaba o Conselleiro de Sanidade), esixan:

- Que o PAC de Cangas, teña alomenos 1 médico e 1 enfermeira/o durante as 24 horas do día, sen ningún tipo de “interrupción” na asistencia. Cremos que é urxente solicitar ao SERGAS unha ampliación de persoal sanitario que supla as deficiencias mencionadas.

- Que POVISA se faga cargo da atención do “seu” HADO tamén no fin de semana. Non se pode tolerar que as suplencias por descanso de persoal deste servizo, polo que cobra unha considerable cantidade de diñeiro público, estea a ser cuberto por persoal sanitario do SERGAS.

- A construción do CAR e ambulancia medicalizada (UCI móvil) para o Morrazo

Parte dos desprazamentos que médicos e enfermeiras/os deben realizar e que dan orixen á mala atención sanitaria “normalizada”, rematarían si,

- por unha banda, o Morrazo tivese unha UCI móvil, que ademáis de contar co persoal sanitario propio, evitando o desprazamento do persoal do PAC, tamén melloraríamos na atención sanitaria das doenzas e/ou accidentes graves que precisan dunha rápida e eficaz atención sanitaria, por poñer un par de exemplos, no caso dun ICTUS cerebral ou un paro cardíaco onde a inmediatez pode salvar vidas ou minimizar secuelas.

- e por outra banda, como xa mencionamos en innumerables ocasión, moitos dos desprazamentos ao centro hospitalario de referencia, sexa por urxencias ou no día a día dos pacientes, o CAR tórnase imprescindible para a comarca.

Dende a Plataforma non entendemos e así o queremos denunciar, como o SERGAS asina Concertos e contratos, desembolsando das arcas públicas escandalosas cifras millonarias -que benefician a empresas privadas como POVISA, S.A. ou a concesionaria de Hospital Álvaro Cunqueiro- e é incapaz de asumir o irrisorio custo que suporía o reforzo de persoal sanitario para Cangas e Moaña, ou a mencionada UCI móvil para a comarca.

Namentras uns poucos pensan que a sanidade é un negocio, o resto pensamos que é un dereito incuestionable.

En Cangas, a 16 de xaneiro de 2016

Etiquetas: ambulancias, car, cs cangas, sos sanidade publica, urxencias

0 comentarios:

Publicar un comentario

POVI$A: listas de espera

Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com.