27 oct 2015

postheadericon A Xunta volve a esquecer ao Morrazo nos orzamentos do 2016


Un ano máis a Xunta de Galicia esquecéuse dos problemas sanitarios que padece a veciñanza do Morrazo nos seus Orzamentos para o 2016. Ningunha partida destinada ao comprometido Centro de Saúde Aldán-O Hío e tampouco para a construcción do Centro de Alta Resolución no Morrazo.

É de xustiza que para esta comarca se constúa o Centro de Alta Resolución, máis despois do fiasco sanitario que montaron na Area Sanitaría Sur coa precipitada posta en marcha do hospital Álvaro Cunqueiro, co único obxectivo de que unha concesionaria privada, integrada por empresas constructoras e outras multinacionais, comence a cobrar importes de escándalo pola xa máis que verificada e denunciada mala xestión do novo hospital de Vigo.

Así pois, como sempre, a Xunta ignora a existencia da veciñanza do Morrazo e as súas necesidades sanitarias, dende a Plataforma creemos que é imprescindible o Centro de Alta Resolución, co que se solucionarían os problemas de desplazamentos a Vigo para consultas dos especialistas, analíticas, probas radiolóxicas e funcionais; ademáis de que axudaría a paliar as longas listas de espera, pois todo Centro de Alta Resolución debe estar dotado de quirófanos para intervencións que non precisan ingreso e un Servizo de Urxencias -debidamente acondicionado- para evitar moitos dos desvíos de pacientes a Vigo.

Esta sería a única solución real e decente de saldar unha débeda histórica co Morrazo, poñendo fin a tanta descriminación que estamos a padecer (lista máis longa de toda Galicia e ratio de camas e persoal máis inferior que nos hospitais públicos).

Lamentamos comprobar, a través dos presupostos para o ano 2016, que a Xunta de Galicia, presidida por Sr. Alberto Núñez Feijóo, volve dar as costas á comarca, máis non deixa de mimar ás empresas privadas que desembarcaron no sector sanitario galego -pisando forte nestes últimos anos de goberno do PP- para facer negocio, sendo cada vez maior a súa presenza, a medida que a sanidade pública sofre un desmantelamento sen precedentes e sen que a Administración faga nada para paralo, máis ben ao contrario, observamos atónicos que, sen ruborizarse, abren as portas a empresas que nada teñen que ver coa sanidade, poñendo nas súas máns a nosa saúde.

O reparto de erario público para o Area Sanitaria de Vigo é extremadamente desigual entre os centros públicos e privados. A UTE (grupo de empresas constructoras e outras multinacionais) que xestiona o Álvaro Cunqueiro vai recibir entre 68 e 71 millóns de euros ao ano e o Hospital privado POVISA S.A recibirá un canón fixo anual de 75,060 millóns de euros, o que supón un desvío de diñeiro público á empresas privadas de preto de 150 millóns de euros fixos, isto sen contemplar a rentabilidade que vai ter a UTE do Álvaro Cunqueiro pola explotación dos servizos externos (aparcamento,hostelería, etc). Mentras que a partida para para os hospitais públicos, (Meixoeiro, Nicolás Peña e Rebullón) é de 30 millóns de euros.

Estes acordos da Xunta de Galicia con estas empresas privadas poñen de manifesto a clara intención de continuar consolidando un modelo privatizador dos servizos básicos dos cidadáns.

A Plataforma en Defensa da Sanidade Pública de Cangas ven de presentar un escrito ante o Concello de Cangas (ver documento adxunto) no que solicitamos ao goberno local que se pronuncie ante este novo agravio da Xunta de Galicia contra a veciñanza Cangas, ademáis de tomar as medidas oportunas para esixirlle á administración autonómica o mesmo trato que recibe o resto da mesma área sanitaria e que polo cumprimento dos acordos plenarios adquiridos.


0 comentarios:

SOS Sanidade Pública

C. de Saúde do Hío, XA!

C. de Saúde do Hío, XA!
Xa temos os terreos, e o SERGAS que fai? Enredar.
Queremos médico todo o ano!

Polo CAR para o Morrazo

Redes sociais

Síguenos

100% público

100% público

POVI$A: listas de espera

POVI$A: listas de espera
Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com
.

Informe POVISA

Kiko da Silva

Kiko da Silva

Alianza Social do Morrazo

Alianza Social do Morrazo

Páxinas vistas

Powered By Blogger