18 may 2015
A POLITICA BANANERA DO PP EN GALICIA: TRAMPAS E COMPLICIDADES NO CONTRATO DO NOVO HOSPITAL DE VIGO
O Goberno de Núñez Feijoo utilizou en 2010 de xeito fraudulento o modelo de contrato para a construción do Novo Hospital de Vigo, ao recorrer a un simple Contrato de Concesión de Obra Pública prevista para construír centros públicos con diñeiro privado, pero que non permite incluír cuestións como o financiamento do mobiliario, a prestación de servizos accesorios (cociña, limpeza etc.) en edificios (Hospital Nicolás Pena) que non teñen relación física coa obra concesionada, ou a xestión integral do mantemento de instalacións complexas como o Servicio de Laboratorio, contempladas nos pregos do Contrato de Concesión de Obra Pública do Novo Hospital de Vigo, que se corresponden coa fórmula xurídica de Contrato de Colaboración Público Privada
Esta trampa legal tiña por obxectivo:
· Saltarse a realización do Estudo de Avaliación Previa (necesario na fórmula de Colaboración Público Privada pero non na de Concesión de obra pública) que debe xustificar que o financiamento privado para construír infraestructuras públicas é indubidablemente a mellor opción para os contribuíntes, de acordo á Lei 30/2007 de Contratos do Sector Público.
· Enmascarar a utilización improcedente do Contrato de Concesión de Obra, modalidade que non contempla prestacións accesorias ás obras de construción de centros, incluídas no contrato do Novo Hospital de Vigo.
· Evitar a comparación do proxecto de financiamento privado co aprobado polo anterior goberno de financiamento público. O custo do hospital pola vía pública era de 457,6 millóns fronte aos 1.566,4 do actual de financiamento privado (1.880 si tense en conta a explotación do aparcamento e outros negocios do centro)
Esta triquiñuela foi avalada por un informe favorable da Intervención Xeral da Comunidade Autónoma de Galicia (organismo na Xunta responsable da fiscalización previa e do control da legalidade dos contratos da CCAA) dirixido entón pola Sra. Elena Muñoz, actual candidata á Alcaldía de Vigo polo Partido Popular.
Este informe realizouse nun tempo récord de 24 horas (feito insólito tratándose dun contrato tan voluminoso e complexo) e uns días antes da entrada en vigor do Real Decreto Lei de 20 de Maio de 2010 de medidas extraordinarias para a redución do déficit público que obrigaba ao SERGAS a trasladar toda a documentación do contrato ao Goberno Central para o seu fiscalización. Deste xeito o proxecto evitou o control do Ministerio de Economía e Facenda que o houbese anulado por non axustarse ao previsto pola Lei.
Hai que recordar aos cidadáns/as e sanitarios do área que como consecuencia de esta decisión, da candidata a Alcaldia polo PP Sra. Muñoz, o Novo Hospital quedara en mans privadas o que prexudicará gravemente a asistencia hospitalaria de Vigo e ademais pagarán catro veces máis por un hospital ao que se recortaron camas, recursos docentes e de investigación, servizos de referencia, equipamento, calidade de materiais e miles de metros cadrados de superficie, para beneficiar á empresa Concesionaria Privada.
Fai poucos días o Tribunal Superior de Recursos Contractuais do Ministerio de Facenda lle anulou á Xerencia do Chuvi o Contrato para Suministros de Reactivos e Material para Técnicas Analíticas do Laboratorio do Hospital do Meixoeiro por non ser o adecuado para realizar as obras de adaptación do servizo, pois incluía cousas que non son propias dun simple contrato de fornezo. O Tribunal Superior no seu auto cualificou a actuación do SERGAS de errónea e vulneradora da Lei e dos principios de transparencia e libre concorrencia.
Ademais de prexudicial para a asistencia sanitaria, resulta escandaloso que un organismo da administración central anule un contrato por non axustarse á legalidade, mentres que o dependente da Comunidade Autónoma Galega avale outro que se pode cualificar de fraudulento da lei para beneficiar os intereses do PP.
Pura política bananera ao servizo da privatización, que futuros gobernos progresistas galegos deberán erradicar.
Asociación Galega para Defensa da Sanidade Pública
16 de maio do 2015
Etiquetas:
comunicados,
novo hospital
Suscribirse a:
Enviar comentarios (Atom)
Mi lista de blogs
C. de Saúde do Hío, XA!
100% público
Webs adheridos
Kiko da Silva
Plataformas de Galicia
- SOS Sanidade Pública
- Plataforma Contra a Privatización - Pontevedra
- Plataforma en defensa da Sanidade Pública - Área do Ferrol
- Plataforma en Defensa da Sanidade Pública da Área do Barco
- Plataforma en Defensa da Sanidade Pública de Monforte
- Plataforma en Defensa da Sanidade Pública do Barbanza
- Plataforma en Defensa da Sanidade Pública de Marín
- Asociación Pro Sanidade Digna de Ourense
0 comentarios: