Plataforma en Defensa da Sanidade Pública

Ante as denuncias de  problemas no equipamiento do Novo Hospital de Vigo a Asociación Galega para a Defesa da Sanidade Pública quere comunicar que:

1. A Xunta pretende adxudicar por 2 millóns de euros públicos, un novo equipo de alta tecnoloxía a Galaria S.A., unha empresa pública xestionada con criterios privados por unha directiva que provén de Arthur Andersen, e que parasita ao CHUVI.  
2. Esta decisión non ten en conta a xestión ineficiente da Colaboración Público-Privada (CPP) segundo o consello de contas, e segundo un informe recente dun panel de expertos da Unión Europea. O retraso e a ineficiencia da xestión dos recursos públicos está a supoñer un incremento das derivacións dos pacientes á sanidade privada: POVISA unha vez máis é a gran beneficiada.
3. A adxudicación do acelerador de Galaria realizouse por un procedemento negociado e sen publicidade, utilizado sen xustificación polo goberno galego para, teoricamente,  acelerar un concurso que posteriormente paralízase por chapuceiro. Os profesionais xa tiñan avisado do que ia pasar antes de que o acelerador deixase de funcionar, ao igual que o están a facer co de similar antigüidade e características que aínda segue en funcionamento. Se daquela comezaran un proceso claro e transparente de licitación sobraríalles tempo.
4. Deberíase aproveitar esta circunstancia para reintegrar o servizo de Radioterapia, e todas as unidades asistenciais de Galaria, no ámbito da EOXI de Vigo, rematando cun modelo de xestión que xa ten demostrado o seu fracaso.

Desde a AGDSP recordamos unha vez máis que esta decisión, de licitar recursos de alta tecnoloxía para ser xestionados por Galaria, supón afondar na situación de discriminación das e dos profesionais da Área Sanitaria de Vigo e da cidadanía, que se suma aos recortes do Novo Hospital de Vigo que nacerá recortado (900 camas en lugar de 1.400, redución de 70.000 de metros cadrados, traslado da atención de 300.000 persoas a Santiago, redución da alta tecnoloxía, supresión dos laboratorios de análises clínicos, xenética e microbioloxía, esterilización...) co a súa intelixencia mermada (xestión público-privada) e a súa “esencia” espoliada (control de calidade, docencia, investigación, ensaios clínicos).
Esiximos a integración das unidades asistenciais de Galaria na EOXI de Vigo e que tódalas inversións en alta tecnoloxía sexan controladas e xestionadas pola Sanidade Pública.