9 may 2014
O PSdeG-PSOE interésase pola antiga Casa do Médico do Hío
Á Mesa do Parlamento
Carmen Acuña do Campo, Manuel Vázquez Fernández, Carmen Gallego Calvar e María Quintas Alvarez, deputadas e deputado pertencentes ao Grupo Parlamentario dos Socialistas de Galicia, ao abeiro do disposto no artigo 152 do Regulamento da Cámara, presentan ante esa Mesa a seguinte pregunta para a súa resposta oral en Comisión 5.ª, Sanidade, Política Social e Emprego.Os veciños e veciñas de Cangas teñen manifestado en múltiples ocasións o rexeitamento ao proxecto do alcalde, de rehabilitar con cartos públicos a antiga Casa do Médico do Hío como falso substitutivo da infraestrutura que durante anos veñen demandando, un centro de saúde en Aldán.
Segundo información facilitada pola propia consellería, esa proposta da alcaldía xa fora descartada ao non ser tecnicamente adecuada para situar nela un centro de saúde atendendo á normativa vixente.
Sen embargo, algún xornal estes días informaba de que o alcalde persistía na idea inicial de rehabilitación cun novo proxecto.
Este asunto xa foi obxecto de varias iniciativas e debates por parte do Grupo Parlamentario Socialista, pero ante a confusión e preocupación reinante, motivada pola falta de transparencia do responsable do concello, as deputadas e o deputado que asinan formulan as seguintes preguntas para o seu debate en Comisión:
- É coñecedora, a Consellería de Sanidade, do novo plan do alcalde de Cangas de rehabilitar a antiga Casa do Médico do Hío para “consultorio médico”?
- Ese proxecto se axusta aos estándares do Sergas sobre deseño e equipamento para os centros de saúde?
- Vai aportar a Xunta de Galicia fondos para emprender estas obras de rehabilitación?
Pazo do Parlamento, 8 de maio de 2014
Asdo.: Carmen Acuña do Campo
Manuel Vázquez Fernández
Carmen Gallego Calvar
María Quintas Alvarez
Suscribirse a:
Enviar comentarios (Atom)
Mi lista de blogs
C. de Saúde do Hío, XA!
100% público
Webs adheridos
Kiko da Silva
Plataformas de Galicia
- SOS Sanidade Pública
- Plataforma Contra a Privatización - Pontevedra
- Plataforma en defensa da Sanidade Pública - Área do Ferrol
- Plataforma en Defensa da Sanidade Pública da Área do Barco
- Plataforma en Defensa da Sanidade Pública de Monforte
- Plataforma en Defensa da Sanidade Pública do Barbanza
- Plataforma en Defensa da Sanidade Pública de Marín
- Asociación Pro Sanidade Digna de Ourense
0 comentarios: