Plataforma en Defensa da Sanidade Pública

Desde a Asociación Galega para a Defensa dá Sanidade Pública ante as informacións aparecidas en prensa onde o Partido Popular afirma que chegou a un acordo co Concello de Vigo polo que este deixaría de poñer trabas á obra do Novo Hospital Privado de Vigo a cambio do apoio aos prepuestos municipais da cidade, queremos comunicar:

1. A nosa preocupación por unhas informacións contradictorias que afectan a un proxecto estratéxico para o futuro da Sanidade Pública de Vigo e de toda a Comunidade Autónoma, ao ser o primeiro hospital que se pretende financiar e gestionar de xeito privado.
2. Que rexeitamos este proxecto porque ademais de multiplicar máis de sete o custo do centro, recórtao sustancialmente en camas, servizos de referencia, equipamiento, persoal, etc., coa finalidade de reducir custos ás empresas concesionarias e deixar a POVISA como hospital de referencia para un volume importante de persoas do área. Este proxecto deixase a Vigo cun hospitalito de segunda división sen as características estratéxicas do proxecto inicial, como quedou claro cando o SERGAS recortou a área de referencia en especialidades avanzadas en 300.000 habitantes, para favorecer ao Complexo Hospitalario de Santiago. 
3. Solicitamos que o Alcalde aclare públicamente as consecuencias do acordo co PP sobre a posición mantida polo Concello de firme rexeitamento ao modelo PFI do Novo Hospital e de non facilitar ningunha colaboración municipal para levantar na cidade un centro privado con diñeiro público.
4. Neste sentido a nosa Asociación acudirá, co resto de organizacións que forman a Plataforma Para a Defensa da Sanidade Pública de Vigo, á reunión coa Alcaldia prevista para o vindeiro luns ás 4 da tarde.