Plataforma en Defensa da Sanidade Pública

Ante as noticias da rebelión de numerosos alcaldes de Galicia contra da imposición do pago de medicamentos de dispensación hospitalaria de enfermos de cancro e doutras graves enfermidades crónicas por parte do Goberno de Rajoy (referendado pola Xunta de Galicia e non así por outras Comunidades Autónomas) , a Asociación Galega para a Defensa dá Sanidade Pública quere comunicar:

1. O noso apoio a unha medida que supón que os concellos, moi minguados de recursos polas políticas de recorte de Rajoy e Núñez Feijoo, asuman o pago destes medicamentos. Isto demostra que hai moitas persoas decentes e cunha visión humana dos problemas á fronte dalgunhas administracións, que pretenden paliar unhas medidas tan lesivas para o dereito á saúde de quen máis o necesitan
2. Esta rebelión tamén mostra as graves consecuencias dunha políticas destinadas a fan pagar os custos dunha crises creadas polos banqueiros e os especuladores, aos quen máis o necesitan, pondo barreiras no acceso aos recursos sanitarios.
3. O crecemento do gasto farmacéuticos deste mes demostra tamén o fracaso dos copagos, que só benefician á industria farmacéutica, a pesar dos sacrificios que esixen aos cidadáns.
4. A rebelión dos alcaldes supón un paso máis na senda do desmantelamento dun dos alicerces do noso sistema sanitario baseado na equidade e na universalidade de acceso aos recursos sanitarios. Non é razoable nin equitativo que quen vivan nalgúns municipios paguen estes medicamentos o que lles discrimina respecto dos que non o fagan. A sanidade ata agora financiábase con impostos que, polo menos teoricamente gravaban a todos por igual independentemente da localidade onde se vive.
5. Desde a Asociación Galega para a Defensa dá Sanidade Pública esiximos aos gobernos central e autonómico a retirada a de todos os copagos.