Plataforma en Defensa da Sanidade Pública

Só se publica sobre a Lista de Espera Estrutural ocultado a Lista de Espera Non Estrutural formada polos pacientes que rexeitan ser derivados a un centro concertado ou en situación de Espera Médica (razóns clínicas como unha consulta, unha proba, unha enfermidade intercorrente etc? ) que impide que sexa intervindo/intervido neste momento e os que pospoñen a intervención por razóns persoais. No Área Sanitaria de Vigo recoñécense 13.180 pacientes en Lista de Espera, cando en realidade hai máis de 25.000.

Estes datos poñen de manifesto a falta de transparencia e o deterioro do sistema sanitario público en Galicia como consecuencia das políticas de recortes, copagos, privatizacións e incompetencia na xestión. As listas creceron un 7,35% nun ano (2.7911 pacientes).
O abandono e discriminación do Área Sanitaria de Vigo se evidencia en que 13.180 persoas están en espera quirúrxica das que 7.712 corresponden ao Complexo Hospitalario Público (CHUVI) e 5.468 ao Hospital Privado Concertado POVISA.
O Tempo Medio de Espera no CHUVI é de 111 días (o máis elevado dos hospitais públicos do SERGAS) e o de Povisa sitúase en 208,9 días, case o dobre. Nun ano, a lista de espera quirúrxica do CHUVI creceu en 2.300 pacientes , un 29.82%máis. O 34,7% da Lista de Espera que se fai oficial en Galicia está na Área Sanitaria de Vigo.
Contando as listas publicadas e as ocultas en Vigo hai 24.842 pacientes en espera dos que 19.374 corresponden ao CHUVI e 5.468 en POVISA (onde se descoñecen a Lista de Espera NON ESTRUCTURAL o que fai pensar que no área hai máis de 25.000 pacientes en espera de ser intervindos/intervidos). Ocúltanse 11.662 pacientes nas listas do CHUVI (60.19% do total).
O maquillaxe aplícase tamén ao Tempo Medio de Espera. En lugar dos 111 días dos datos oficiais, o 22,4% dos pacientes esperan máis dun ano (4.340 pacientes no CHUVI dos que a Consellería só declara 21 ) e o 9% máis de dous anos, chegándose aos 5 anos nalgunhas patoloxías como as próteses de cadeira e de xeonllo.