Plataforma en Defensa da Sanidade Pública

O 1 de xullo, coñecíamos a través dalgúns medios de comunicación a denuncia da deputada no Parlamento de Galicia, María Consuelo Martínez, de feitos moi graves que estaban sucedendo en POVISA. A día de hoxe non ten habido resposta ningunha por parte da Xunta. O goberno que teoricamente debería asumir a responsabilidade da xestión dos servizos de saúde cala. Tampouco polo que toca a empresa ten habido reacción algunha. Como interpretar este mutis polo foro? Indudablemente se eses datos non fosen certos, aos usuarios e usuarias dese centro privado a administración e a empresa tería que darnos algunha explicación tranquilizadora. Como isto, insistimos non se produciu, só nos queda pensar que as denuncias deben ser certas, pois que se saiba a difamación e a calumnia aínda non teñen sido borradas do Código Penal.
Estas son as 12 denuncias que poidemos recabar nos medios dixitais, xa que os de papel non se prodigaron tanto e a TVG entrou tan superficialmente que non dixo nada. Reflexionemos e digamos se aquí non hai materia de delito contra a saúde pública:

1. tardáronse máis de dez días en declarar un brote de meninxite por fallos de protocolo
2. púxose a un paciente en aillamiento en contacto con persoal sanitario e outros pacientes ata que o persoal percibiu a situación
3. alumnos da escola universitaria de POVISA teñen asumido tarefas propias dos profesionais (administración dunha dose do dobre da prescrita nun caso que estaba supervisado por un alumno de enfermería)
4. paciente que chega a quirófano co preoperatorio caducado e non se pode intervir ao non dispor de sangue para realizar a operación
5. confusión en pacientes que coinciden en nome e apelidos
6. servizos que se quedan sen personal durante horas, como, por exemplo, a unidade de queimados (un só enfermeiro é sustituido por un auxiliar nos seus descansos diarios)
7. reducción do nivel de discapacidade dun paciente para non ter que proporcionarlle un colchón anti-escaras
8. as actividades programadas comparten médico con urxencias
9. incidencias presentadas só no mes de febreiro deste ano:
• o 73% afectaron ao paciente
• un 4,3% puido causar danos ou a prolongación da estancia hospitalaria
10. no caixetín dun paciente figuraba a medicación de outro
11. a ausencia de fisioterapeuta e a inexperiencia en cuidados de EPOC levou no mes de referencia á UCI a un paciente por unha grave insuficiencia respiratoria
12. producíronse luxacións de cadril en recén operados ao non seren tratados cos cuidados precisos