19 jun 2013
Contra a dotación privada dos servizos de radioterapia en Vigo e A Coruña e a falta de compromiso co Hospital de Lugo
A Asociación Galega para a Defensa da sanidade Pública rexeita a decisión da Consellería de incrementar a dotación dos servizos de Radioterapia (RT) de xestión privada de Vigo e A Coruña e a súa falta de compromiso co Hospital Universitario de Lugo (HULA).
Trala confirmación por parte da Conselleira de Sanidade da compra de tres novos aceleradores lineales para os servizos de Oncoloxía Radioterápica de xestión privada de Galicia, dúas para Vigo, xestionados por Galaria, e o outro para A Coruña, xestionado polo centro Oncolóxico de Galicia, a AGDSP quere manifestar:
Asociación Galega para a Defensa da Sanidade Pública
Trala confirmación por parte da Conselleira de Sanidade da compra de tres novos aceleradores lineales para os servizos de Oncoloxía Radioterápica de xestión privada de Galicia, dúas para Vigo, xestionados por Galaria, e o outro para A Coruña, xestionado polo centro Oncolóxico de Galicia, a AGDSP quere manifestar:
- Que debe dotarse en primeiro lugar ao HULA do seu propio servizo de Oncoloxía Radioterápica, esixido reiteradamente pola súa poboación, para evitar que máis de 600 pacientes (629 no ano 2009) deban acudir á Coruña para recibir o seu tratamento (máis de 12.000 sesións cada ano)
- Que a actividade asistencial do servizo de RT de Galaria está diminuíndo debido á creación no ano 2009 do servizo de Oncoloxía Radioterápica no Complexo Hospitalario Universitario de Ourense (CHOU), co que se evita o traslado de ao redor de 700 pacientes anuais.
- Que trala posta en marcha do servizo no HULA tamén diminuirá a carga de traballo do servizo da Coruña
- Que as alternativas de financiamento apuntadas son inasumibles para a AGDSP:
- O pago mediante unha taxa por paciente, asegurándolle un número mínimo de pacientes á empresa que instala o equipo pode supoñer un incentivo perverso con respecto á seguridade dos pacientes, xa que a radioterapia é un tratamento invasivo que supón riscos e debe aplicarse só cando é estritamente necesario, sen inxerencias na decisión facultativa.
- Con respecto ao financiamento mediante gasto corrente, este non dá máis de si tralos recortes, especialmente en Vigo onde a Consellería ten comprometido un gasto de 68 millóns de euros ( IVA) cada ano a partir de 2014 para o NHV, que se comería máis da metade deste orzamento, imprescindible para o funcionamento dos centros públicos.
- Existen experiencias suficientes que confirman o incremento significativo do custo dun equipo que se financia mediante o contrato de mantemento.
- Parécenos indefendible financiar os novos equipos mediante taxas aos pacientes. Como profesionais sanitarios rexeitamos rotundamente que os enfermos con cancro teñan que pagar as sesións de radioterapia que reciban.
- Consideramos que o equipo de RT do HULA é o único imprescindible e con esta adquisición sumariamos 14 aceleradores en Galicia, igualando a taxa de 5,3 equipos/millón de habitantes de España.
- O financiamento do Servizo de radioterapia do Hula debe ser pública, xa que non podemos fiarnos das iniciativas de financiamento privado, sobre todo tralo fiasco do NHV.
Asociación Galega para a Defensa da Sanidade Pública
Etiquetas:
agdsp,
privatizacion
Suscribirse a:
Enviar comentarios (Atom)
Mi lista de blogs
C. de Saúde do Hío, XA!
100% público
Webs adheridos
Kiko da Silva
Plataformas de Galicia
- SOS Sanidade Pública
- Plataforma Contra a Privatización - Pontevedra
- Plataforma en defensa da Sanidade Pública - Área do Ferrol
- Plataforma en Defensa da Sanidade Pública da Área do Barco
- Plataforma en Defensa da Sanidade Pública de Monforte
- Plataforma en Defensa da Sanidade Pública do Barbanza
- Plataforma en Defensa da Sanidade Pública de Marín
- Asociación Pro Sanidade Digna de Ourense
0 comentarios: