Plataforma en Defensa da Sanidade Pública

Segundo información contrastada pola Asociación Galega para a Defensa da Sanidade Pública, a Conselleria de Sanidade pretende centralizar nunha empresa privada a parte da tecnoloxías máis avanzadas e innovadoras dos laboratorios dos Hospitais Públicos de Galicia.
Para iso convocou un concurso para adxudicar estas probas e técnicas, ao que concorren 6 laboratorios privados de todo o Estado, que van obter importantes beneficios económicos ao apropiarse da parte máis innovadora dos laboratorios do SERGAS.

Como consecuencia, os laboratorios dos hospitais públicos permanecerán de costas ao desenlordo tecnolóxico e quedarán limitados a realizar probas rutineiras e condenados á obsolescencia. Esta medida supón un novo e importante paso na senda da descapitalización, desmantelamento e privatización do sistema sanitario público galego desenvolvida pola Xunta de Galicia.
A AGDSP apoia a postura de rexeitamento dos xefes de servizo dos laboratorios dos hospitais públicos de Galicia e esixe á Consellería que suspenda o Concurso antes da súa resolución definitiva (atrasada probablemente por problemas de solvencia das empresas privadas en liza).
Advertimos tamén sobre o risco de que a adxudicación concédase a empresas con presenza dalgúns personaxes do PP, como xa está ocorrendo na CCAA de Madrid. e facemos un chamamento ás Plataformas e organizacións de SOS Sanidade Pública e aos parlamentarios da oposición, para que se leven a cabo medidas que freen esta nova agresión á sanidade pública de Galicia.