Plataforma en Defensa da Sanidade Pública

O grupo municipal do BNG presentou unha moción pedíndolle á Xunta a ampliación do servizo de radioloxía do Centro de Saúde de Cangas. Este servizo está sendo prestado desde hai anos por persoal de POVISA, no entanto que o SERGAS aporta toda a aparataxe e as instalacións. Un caso claro de "colonización" dos intereses privados no sistema público.
A Plataforma xa se tiña pronunciado públicamente e solicitado hai case dous anos, cando a poboación de Moaña que era atendida na Doblada (Vigo) foi redireccionada ao negocio de POVISA en Cangas, provocando un importantísimo incremento das listas de espera, que a administración sanitaria resólvese o problema coa vista posta na opción estratéxica do CAR (Centro de Alta Resolución do Morrazo), que debería contar entre os seus servizos con radioloxía para atender aos/ás pacientes dos concellos do seu entorno. Sen embargo, desde aquela nin se tomaron medidas inmediatas nin se deu un paso para levar adiante o proxecto do CAR do Morrazo e, mentres tanto POVISA, segue facendo caixa.