Plataforma en Defensa da Sanidade Pública

A Asociación Galega para a Defensa da Sanidade Pública ante a convocatoria de mobilizacións convocadas polos sindicatos en Galicia para rexeitar os recortes impostos polo Goberno, ten que sinalar:

1. Este recortes supoñen unha gravísima agresión para os dereitos dos traballadores públicos e para o conxunto da poboación, que afondan  sobre recortes anteriores (subida do IRPF, copagos sanitarios e educativos, aumentos dos prezos nos servizos públicos, recortes en dependencia, etc)
2. A política de recortes indiscriminados e continuados supón unha actuación suicida que levará a Galicia á ruína e a unha crise permanente que incrementara o paro, deprimirá a economía e deteriorará aínda máis os servizos públicos, especialmente os sanitarios.
3. A Sanidade Pública esta sufrindo importantes agresións que son o resultado dos recortes de recursos e do deterioro das condicións de traballo dos profesionais, que repercuten negativamente na calidade da atención. O mesmo tempo as privatizacións encarecen os custos do servizo e os copagos de medicamentos, transporte, dietas, próteses, etc, dificultan a accesibilidade dos cidadáns ao sistema sanitario público, especialmente dos máis enfermos.
4. O Goberno esta tomando medidas equivocadas que son inxustas, que deterioran os servizos públicos e que penalizan aos sectores sociais mais débiles (con menor renda, máis enfermos, discapacitados, que viven na área rural, etc.) mentres que se respectan os beneficios das grandes empresas e dos bancos.

Por todo iso facemos un chamamento a profesionais sanitarios e cidadáns a participar activamente nas convocatorias de mobilizacións unitarias contra os recortes.