Plataforma en Defensa da Sanidade Pública

Ante as declaracións do presidente da Xunta de Galicia Núñez Feijoo de que renuncia á fórmula de financiamento privado (PFI) para construír 15 centros de saúde e a ampliación do Hospital do Salnés para evitar o aumento dos pagos aprazados da Comunidade Autónoma (multiplicaba por sete o custo dos centros) a Asociación Galega para a Defensa da Sanidade Pública quere comunicar que:

1. Consideramos esta decisión corrobora a tese que vimos sostendo pola Asociación galega para a Defensa da Sanidade Pública e a Plataforma SOS Sanidade Pública dende fai anos, de que o financiamento privado multiplica innecesariamente o custo dos centros sanitarios que pode chegar a pór en risco a sustentabilidade do sistema sanitario público.
2. En base a esta evidencia reiteramos a nosa denuncia de que os problemas asociados á continuidade das obras do Novo hospital de Vigo e da ampliación do Hospital Montecelo de Pontevedra, teñen que ver coa decisión de Núñez Feijoo de financialos e construílos recorrendo á iniciativa privada. A construción de ambos os centros levan case tres anos de atraso e advertimos que estas obras nunca serán rematadas se non se cambia de modelo polos altísimos custos da PFI.
3. Esiximos da Xunta de Galicia que rescate inmediatamente a Concesión das obras do Novo Hospital de Vigo (asignadas a un consorcio de empresas constases e bancos privados por Price Waterhause Cooper a Bankia e Caixa de Aforros do Mediterráneo e a diferentes empresas construtoras), para garantir que o proxecto do Hospital de Vigo sexa terminado en tempo e forma.
4. Esta decisión vén demostrar unha vez máis a veracidade dos nosos argumentos en contra do financiamento privado das novas infraestruturas sanitarias e as mentiras da Xunta respecto diso.