Plataforma en Defensa da Sanidade Pública

A Rolda en Defensa da Sanidade Pública, organizada polas plataformas de Cangas e Moaña, e que tiña por obxecto principal facer unha lectura colectiva da "Iniciativa Lexislativa Popular en defensa e promoción da Sanidade Pública", deu comezo coas notas que puxo no ambiente da Praza do Concello de Cangas a gaita de Iván Costa. Ecoaron aires de rebeldía contra os que nos queren expropiar a Sanidade Pública para entregarlla aos negociantes da saúde de todos e todas nós.
As plataformas estivemos alí participando na programación das xornadas programadas polo colectivo 15M do Morrazo, compartindo a toma das rúas e das prazas nesta primavera global de loita pola democracia participativa e pola xustiza social.
Como se sinalou na presentación, este acto tentou contribuir a erguer ese gran dique social indispensable para facer fronte ao tsunami de privatizacións, copagos, repagos e recortes que nos asulagan, ameazando gravemente o futuro dos servizos públicos gratuítos e universais tal como os coñecemos hoxe en día, e que son resultado de conquistas históricas tras longas loitas dos de abaixo, do 99%, para ter unha vida digna e máis igualitaria.
Os organizadores vímonos totalmente superados pola entusiástica acollida que tivo este acto e, por iso, o texto da Iniciativa Lexislativa Popular foi finalmente lido por un grupo dos participantes en nome de todos e todas.
Un debate aberto sobre os recortes e privatizacións na sanidade pública pecharía unha xornada que constituiu un éxito tanto pola asistencia de público como de compromiso das xentes do mundo da cultura, artistas, escritores, actrices e actores e persoas de traxectoria profesional e do movemento social do Morrazo que quixeron onte na Praza do Concello con un único obxectivo: defender a Sanidade Pública.


Relación das persoas que apoiaron o acto e participaron na lectura da Iniciativa Lexislativa Popular:


Dedicatoria a SOS Sanidade Pública publicada en "Faro de Vigo" de Luis Davila no día da Rolda: