Plataforma en Defensa da Sanidade Pública

Os recortes, os repagos e as privatizacións na Sanidade Pública conforman a axenda dos gobernantes de Compostela e Madrid, seguidores incondicionais dos “mercados”, que é o mesmo que dicir dese 1% formado polos grandes poderes económicos e financeiros de escala global.
Pero as vítimas somos os xubilados, os inmigrantes, os parados sen recursos, os necesitados dunha cadeira de rodas, as mulleres, os mozos maiores de 26 anos que non cotizamos, etc. A lista poderíase alongar considerablemente ata chegar á minoría que nesta situación de crise e recesión aínda se poden pagar un seguro médico privado. Precisamente é ese modelo ao que nos queren levar e ao que imos dicir rotundamente NON. Porque somos o 99%, outro mundo é posible.