Plataforma en Defensa da Sanidade Pública

A desaparición o ano pasado do contido do art. 11 da anterior regulamentación galega sobre o transporte en ambulancia, onde se proclamaba que "O seu financiamento será a cargo do Servizo Galego de Saúde sempre que non exista un terceiro obrigado ao pago", está en liña co que aparece hoxe publicado polo goberno de Madrid no BOE, relativo a que ao transporte sanitario no urxente se lle aplicarán taxas de copago. Son as persoas que precisan a hemodiálise en centros alonxados dos seus domicilios e outros enfermos, maiormente da terceira idade, as principais vítimas desta inxusta, discriminatoria e antisocial medida da máquinaria depredadora posta en marcha polos gobernos central e autonómico baixo o mandato dos "mercados".