Plataforma en Defensa da Sanidade Pública

Hoxe, mércores, día 8, tivo lugar no Salón de Actos da Biblioteca Pública de Marín a presentación da Iniciativa Lexislativa Popular de SOS Sanidade Pública. No acto deuse a coñecer a declaración que reproducimos a continuación.


A Plataforma SOS Sanidade Pública promove a Iniciativa Lexislativa Popular coa finalidade de deter a política de recortes e privatizacións da Sanidade Pública impulsada polo Goberno Galego, porque garante o dereito constitucional á protección da saúde dos cidadáns galegos.
Recentemente, se veñen anunciando con insistencia a introdución do copagamento (en realidade “repagamento”, posto que xa é a través dos impostos que se financia o sistema de saúde pública) que van na dirección privatizadora. Estámonos referindo á supresión da gratuídade universal dos fármacos para os xubilados e pensionistas, o pago das consultas médicas mediante o chamado “ticket moderador”, o pago dos servizos hospitalarios non médicos como comidas, estadías, duchas,... E isto só semella ser “o principio do principio”. Á vista está o que están facendo os gobernos autonómicos de Madrid ou Cataluña, por exemplo.
Desde o Morrazo temos motivos sobrados para sumarnos a esta iniciativa: á supresión da ambulancia en horario nocturno en Marín hai que unir a paralización na construción dos centros de saúde de O Hío-Aldán, Marín e Moaña; e o Centro de Alta Resolución do Morrazo, que tamén se poden considerar recortes co fin de poder capitalizar a construcción dos hospitais privados de Vigo e Pontevedra pola fórmula da chamada “colaboración pública-privada” que puxo en marcha o actual goberno da Xunta de Galicia. As enormes listas de espera do hospital privado POVISA, aos que nos vemos encadeados os veciños e veciñas de Cangas e Moaña, así como as súas carencias completan un cadro que non fai senon agravarse nos últimos tempos.

Coa Iniciativa pretendemos:

• Manter a Sanidade pública como servizo universal, gratuíto e de calidade, como responsabilidade do Goberno galego.
• Manter a xestión pública e directa do Sistema de Saúde de Galiza.
• Mellorar a capacidade resolutiva en atención primaria dotándoa do persoal e medios tecnolóxicos suficientes, cunha cobertura equilibrada en todo ou territorio galego e para toda a poboación.
• Mellorar a xestión sanitaria mantendo as actuais áreas sanitarias como espazo para a planificación e xestión unitaria dous recursos sanitarios que garanta a equidade e a racionalidade.

As entidades abaixo asinantes consideramos fundamental frear os recortes e privatizacións da sanidade pública galega. Por iso, como primeiro paso chamamos a toda a cidadanía do Morrazo a participar activamente coa súa asinatura apoiando esta Iniciativa Lexislativa Popular.