24 oct. 2011

postheadericon A renuncia de Feijoo ao PFI, un triunfo das mobilizacións cidadáns contra a privatización da sanidade

A Asociación Galega para a Defensa da Sanidade Pública quere dar a coñecer que os Orzamentos da Xunta de Galicia de 2012, contemplan 396 millóns de euros de investimento extrapresupuestario dos que 210 serán de Financiamento Público- Privado e 186 da Sociedade Pública de Investimento (SPI), o que supón que a Xunta de Alberto Núñez Feijóo decidiu non licitar ningunha unha obra máis das xa previstas recorrendo á iniciativa privada (PFI).

Esta renuncia a novos investimentos privados para financiar centros públicos supón un triunfo das mobilizacións da Plataforma SOS Sanidade Pública e das Plataformas en Defensa da Sanidade Pública de toda Galicia, que se opuxeron a esta modalidade de financiamento desde o inicio da mesma. Esta fórmula, ademais de deixar en mans privadas a explotación dos novos hospitais, multiplica por sete o prezo final dos mesmos, pondo en risco o mantemento futuro do sistema sanitario galego.
As denuncias e reivindicacións das Plataformas, nas que participaron miles de cidadáns (só en Vigo a última mobilización polo financiamento público do Novo Hospital, congregou a máis de 50.000 persoas) foron recollidas tamén polo Consello de Contas de Galicia que no seu último informe criticou e advertiu á Xunta de Galicia sobre os seus efectos perniciosos para as arcas públicas.
A Asociación Galega ademais quere mostrar a súa satisfacción por este éxito das mobilizacións sociais e esixe que o financiamento do Novo Hospital de Vigo (cuxo custo final pode alcanzar máis de 1.800 millóns pola Iniciativa Privada fronte a 450 pola pública) sexa revertida para financiamento público, dado ademais que as empresas concesionarias son Caixas de Aforro en quebra e que están recibindo miles de millóns de diñeiro público para ser refrotadas como Caixa de Aforros do Mediterráneo, Bankia, Caixa Sur, de Sabadell, etc.

0 comentarios:

SOS Sanidade Pública

C. de Saúde do Hío, XA!

C. de Saúde do Hío, XA!
Xa temos os terreos, e o SERGAS que fai? Enredar.
Queremos médico todo o ano!

Polo CAR para o Morrazo

Redes sociais

Síguenos

100% público

100% público

POVI$A: listas de espera

POVI$A: listas de espera
Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com
.

Informe POVISA

Kiko da Silva

Kiko da Silva

Alianza Social do Morrazo

Alianza Social do Morrazo

Páxinas vistas