Plataforma en Defensa da Sanidade Pública

A empresa norteamericana "Hill International" seleccionada pola Xunta de Galicia para xestionar a construción do novo Hospital de Vigo en España comunica na súa páxina WEB que o hospital terá exclusivamente 900 camas.
Tal como viñamos denunciando desde a Plataforma de Vigo de xeito repetido, o Novo Hospital de Vigo terá só 900 camas e non as 1450 necesarias e que a Conselleira onte no Parlamento de Galicia asegurou que tería.
Son moitos os datos que manexamos desta intolerable redución do Novo Hospital que supón un desaire á cidadanía da área viguesa que suma 600 mil habitantes e vén sufrindo desde hai anos unha tremenda carencia de recursos, como pon de relevo a demora quirúrxica en probas e en consultas por encima da media de Galicia.

Tamén sabemos que iso se fai, entre outras razóns, para conservar o mercado cativo para POVISA que supón 100 mil habitantes asignados.
Preténdese así  facer un hospital insuficiente para garantir a POVISA o seu mercado público e  dar réditos económicos, via PFI, as construtoras e financiadoras privadas.
A Conselleira de Sanidade mente e agora iso é xa evidente sen excusa algunha. Mente ante os representantes do pobo galego e mente á cidadanía viguesa; mente aos profesionais sanitarios que soporta unha enorme carga asistencial con absoluta profesionalidade e mente aos alcaldes da Área Sanitaria e ao alcalde de Vigo e a todas as institucións cidadás sociais, empresariais e políticas. E o fai seguindo as instrucións do presidente da Xunta de Galicia da que ela é brazo executor.
Por todo o esiximos a reconversión do proxecto ao financiamento público e a dimisión da Conselleira.