Plataforma en Defensa da Sanidade Pública

Recentemente a Xerente do Servizo Galego de Saúde presentou un documento ao que denominan “Estrategia 2014”, ao parecer “centrada en la protección y la modernización del sistema sanitario público mediante la austeridad y la gestión eficiente de los recursos”. Tamén refería a Sra Xerente que para a súa elaboración a administración sanitaria galega baseouse no doente como centro do sistema, o recoñecemento e a potenciación do valor dos profesionais, o papel da innovación e da nova ciencia, e o compromiso co desenvolvemento económico e social. Entre os sete eixes da Estratexia destaca que o sector sanitario actúe como motor do crecemento económico, social e de innovación. Cita que outro dos eixes é establecer un novo marco de xestión de recursos humanos, sendo os seus pilares a estabilidade laboral, o desenvolvemento e desenrolo profesional; e tamén desenvolver sistemas de información que faciliten a práctica clínica e a receita electrónica en todolos centros sanitarios.
Publicado en Cadernos de Atención Primaria