Plataforma en Defensa da Sanidade Pública

Máis de catorce plataformas agrupan o movemento veciñal en defensa da sanidade pública. Algunhas veñen dos 90, pero a maioría xurdiron ou reactiváronse nos dous últimos anos, loitan contra a privatización desde o eido local e defenden os intereses da súa comarca: servizos, hospitais e áreas sanitarias. Moven miles de persoas
“O movemento das plataformas nace entre os 80 e os 90. É a época de gobernantes como Ronald Reagan e Margaret Thatcher, cando se introducen reformas neoliberais na sanidade e se comeza a defender a idea de que hai que reducir o Estado e de que os sistemas públicos deben empregar a lóxica da empresa privada para diminuír a burocracia e mellorar a competencia; os médicos e sanitarios, as asociacións de veciños e de doentes crónicos e os sindicatos –que representaban os traballadores estatutarios da sanidade, pero tamén a todos os demais, que perciben parte do seu salario en especie, a través das prestacións de saúde– fixemos entón unha alianza para parar isto”, relata Martín.
Publicado en Xornal.com