Plataforma en Defensa da Sanidade Pública

Núñez Feijoo apresurouse hoxe a por a primeira pedra do Novo Hospital de Vigo, adiantándose á data prevista para o día 1 de abril e entrar así no festín de falsas inauguracións de face á cita electoral que pon o día 28 como data límite para estes eventos.
O seguro e que non dirá o señor presidente é que:

1. As obras do novo Hospital deberían estar iniciadas hai máis de dous anos, de acordo co calendario aporbado.
2. O retraso será aínda maior xa que nin sequera está concluído o proceso de expropiación de terreos e as empresas que concursaron para quedar coa obra reclamaron por irregularidades no proceso de adxudicación o que pode supor aínda máis atraso.
3. Esta é urxente cando a atención hospitalaria en Vigo sofre colapsos continuos e as listas de espera soben espectacularmente.
4. O financiamento vai deixar en mans privadas este centro multiplicando o seu custo e con todo recórtase o espazo dispoñible, redúcese o número de camas en 850 para deixar a POVISA como hospital de área, desaparece o módulo de docencia e investigación, redúcense á metade as camas oncolóxicas abandonando así o proxecto de hospital de referencia do cancro e outro sinnúmero de recortes ao proxecto.
5. O centro quedará en mans privadas durante 20 anos o que deixa aos cidadáns de Vigo a mercede dos intereses empresariais das empresas concesionaria.

A Plataforma para a Defensa da Sanidade Pública considera que esta primeira pedra supón o abandono dun proxecto de hospital estratéxico que pretendía pór a Vigo á mesma altura das da Coruña e Santiago.
Hoxe é un triste día para Vigo.