Plataforma en Defensa da Sanidade Pública

Estimado-a profesor-a / membro da comunidade educativa:
A noticia anterior é falsa. Sen embargo, o que si é totalmente certo, é que este goberno da Xunta pretende privatizar todos os máis de sesenta centros de saúde proxectados para 2010 e 2011 e os novos hospitais de Vigo e Pontevedra. Neste último caso, derrubaráse o actual de Montecelo, co único propósito de privatizar o novo que queren construír. Para este fin, a Consellería de Sanidade empregará a fórmula chamada público-privada, que consiste basicamente, en que grandes consorcios formados por bancos, aseguradoras e construtoras levantan as infraestruturas sanitarias e fanse coa súa propriedade, de tal maneira que o SERGAS durante un período, non menor de vinte anos, pagará un canon, como se estivese en situación de aluguer, aos capitalistas promotores.
É un modelo insustentable, que hipoteca as finanzas públicas e as ameaza con levalas ao colapso, de maneira que se vexa como “necesaria” a introdución do copago.