Plataforma en Defensa da Sanidade Pública

Hoxe o Presidente da Xunta tentou remendar o descosido da Sra. Mosquera na entrevista que condeceu á TVG esta semana. Con todo, xa non cabe dúbida do posicionamento do goberno da Xunta sobre o repagamento por receita médica. A Conselleira de POVISA xa o deixou moi claro: "persoalmente" parécelle unha boa medida. Máis alá xa tiña ido o Presidente Feijóo, que o pasado mes de decembro se mostrara decididamente partidario de tirarlle aos/ás pensionistas e xubilados/as a exención universal do 100% no pagamento dos medicamentos. E é que a axenda política está a provocar un bamboleo de declaracións e desmentidos, que moito nos tememos que terán a súa confirmación á volta da esquina. Probablemente despois das eleccións andaluzas.
De momento moito traballo para as axencias de imaxe e propaganda do partido gobernante que está a experimentar un importante tirón privatizador encabezado polo sector máis extremista, representado pola Presidenta da Comunidade de Madrid, Esperanza Aguirre, que xa se ten manifestado no mesmo sentido que Feijóo e Mosquera.