Plataforma en Defensa da Sanidade Pública: MOBILIZACIÓN CIDADÁ EN CANGAS

26 may 2017

MOBILIZACIÓN CIDADÁ EN CANGAS

Durante todo o mes de febreiro máis de 5.200 veciñ@s de Cangas asinaron tanto nas rúas como en numerosos locais o manifesto "POLA PERMANENCIA DO MÉDICO E DA ENFERMEIRA NAS URXENCIAS NO PAC DE CANGAS". Son numerosas as ocasións nas que os veciño@s acudimos ao Servizo do PAC de Cangas e atopámonos que non está nin o médico nin a enfermeira para atendernos, debido a que o equipo tivo que desprazarse a outra urxencia fóra do PAC. Por isto solicitamos ao Conselleiro de Sanidade o Sr Dº Jesús Vázquez Almuiña, unhas Urxencias con persoal permanente.
A preocupación e desesperanza coa que vive a veciñanza este problema choca coa política de oídos sordos da Consellería de Sanidade, que non só, non contesta ás numerosas solicitudes de reunións que pide o goberno local, senón que tampouco quere escoitar as demandas que dende a plataforma en Defensa da Sanidade Pública de Cangas estamos a denunciar dende fai moito tempo.
A concentración do próximo venres 2 de xuño ás oito da tarde diante do Concello de Cangas ten como obxectivo denunciar as carencias sanitarias de Cangas e esixirlle a Consellería de Sanidade a solución dos mesmos:

A CONSTRUCIÓN DO CENTRO DE ALTA RESOLUCIÓN PARA O MORRAZO.

A CONSTRUCIÓN DO CENTRO DE SAÚDE DE ALDÁN-O HÍO

A INMEDIATA COBERTURA DA PEDIATRÍA EN ALDÁN

O REFORZO URXENTE DA TERCEIRA AMBULANCIA PARA O MORRAZO

O FUNCIONAMENTO DO SERVIZO DE RADIOLOXÍA POLA TARDE

O FUNCIONAMENTO DO SERVIZO DE REHABILITACIÓN POLA TARDE

Dende a Plataforma en Defensa da Sanidade Pública de Cangas facemos un chamamento a tod@s á participación na concentración cidadá para que estas demandas sexan escoitadas e respetadas.

Etiquetas: ambulancia, Centro de Alta Resolución, Concentración, pediatría, urxencias

0 comentarios:

Publicar un comentario

POVI$A: listas de espera

Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com.