Plataforma en Defensa da Sanidade Pública

A Unión Europea (UE)  aprobou o 3 de marzo de 2011  unha norma que estableceu que para obter a homologación europea do título de Especialista en Oncoloxía Médica, a duración mínima do seu período formativo debía ser de 5 anos.
O período de residencia en Oncoloxía no Estado Español era 4 anos, polo  que  a Comisión Nacional da especialidade, tiña reclamado a ampliación dese período formativo a 5 anos, argumentado que o incremento da complexidade da especialidade,  pola expansión do seu campo asistencial e polos avances tecnolóxicos e farmacolóxicos dos últimas anos.
Seguindo esta indicación o Ministerio de Sanidade publicou no BOE a “Orden SSI/577/2013, de 5 de abril, por la que se aprueba y publica el programa formativo de la especialidad de Oncología Médica e os criterios de avaliación dos especialistas en formación”, que amplía o período da residencia da especialidade a  5 anos.
Con todo  o SERGAS seguindo a súa cega política de aforro sanitario manifestouse contrario a permitir que os actuais residentes de Oncoloxía Médica prolonguen nun ano o seu período de residencia, malia que ademais de ser un requisito imprescindible para a homologación do título na UE dos residentes, melloraría a calidade da atención nos servizos de oncoloxía.
Por todo isto a Plataforma SOS Sanidade Pública esixe ao goberno galego a aplicación inmediata da orde a todos os MIR de oncoloxía de Galicia.