Plataforma en Defensa da Sanidade Pública

A Plataforma SOS sanidade Pública de Galicia que agrupa á maioría das Federacións de Asociacións de Veciños, organizacións de pacientes con patoloxías crónicas, ONGs, asociacións xuvenís, asociacións de profesionais sanitarios, sindicatos, partidos políticos, acordamos por unanimidade apoiar as mobilizacións do día 17 en Madrid convocadas polo Encontro en Defensa da Sanidade Pública de Madrid en contra do Plan de Medidas de Garantía para a Sostenibilidade do Sistema Sanitario Público, cuxa aplicación supoñería o desmantelamento e privatización dunha parte moi importante da sanidade da CCAA de Madrid.

Consideramos que a mobilización dos cidadáns e traballadores sanitarios da comunidade autónoma madrileña en defensa da súa sanidade pública, é a mesma que estamos desenvolvendo SOS Sanidade Pública en Galicia desde fai anos en contra dos recortes sanitaros, o desmantela amento das áreas sanitarias, o copago, a privatización dos servizos, ou o financiamento e xestión privada dos novos centros sanitarios.
O triunfo ou derrota da loita cidadá e profesional en ambas comunidades autónomas, e as do resto do Estado, fronte ás políticas neoliberais do os gobernos do PP, terán unha gran repercusión para o mantemento do dereito á saúde e do sistema sanitario público no seu conxunto.
Facemos un chamamento a coordinar os esforzos e mobilizacións dos cidadáns e traballadores sanitarios en defensa da sanidade pública e contra o seu desmantelamento e privatización en todas as comunidades do Estado.