Plataforma en Defensa da Sanidade Pública

A Plataforma SOS Sanidade Pública integrada por organización veciñais, sindicais, de usuarios, profesionais sanitarios, ONGs, partidos políticos, concellos, etc, promoveu unha Iniciativa Lexislativa Popular (ILP) para deter a política de recortes e privatizacións da Sanidade Pública Galega (impulsada polo o actual Goberno Galego), para garantir o dereito constitucional á saúde dos galegos.
A proposición de Lei pretende a xestión pública directa dos centros sanitarios, a potenciación da Atención Primaria e a promoción de saúde como alternativa á crise e as áreas sanitarias como espazo para a planificación e a xestión dos recursos. Durante 4 meses as Plataformas Galegas que integran SOS Sanidade Pública, xunto con outros colectivos como ONGs e o 15M desenvolveron actividades de información, debate e mobilización social recollendo firmas en todas as áreas sanitarias da CCAA. Estas alcanzaron a cifra de 30.000 moitas máis das 15,000 esixidas Os puntos da ILP son:

1. A defensa do carácter público da sanidade como garantía do dereito á saúde de todos os galegos.
2. A xestión pública e directa dos servizos sanitarios e o rexeitamento ás formas de financiamento e xestión privada introducidas pola Xunta de Galicia.
3. A necesidade de incrementar a capacidade resolutiva da Atención Primaria mellorando os seus recursos e o acceso ás tecnoloxías diagnósticas, como base dun sistema sanitario accesible, equitativo e eficiente.
4. Mantemento do modelo descentralizado do sistema sanitario galego a través das áreas sanitarias, como espazos para a planificación, asignación e xestión integral dos recursos en base ás necesidades sanitarias da poboación e coa súa participación activa.

Maña día 18 de decembro debaterase no Parlamento a Iniciativa promovida por SOS Sanidade Pública. A Plataforma SOS convoca unha concentración cidadá diante do Parlamento para mostrar o seu apoio á mesma as dez da maña, coincidindo co debate da mesma..