Plataforma en Defensa da Sanidade Pública

Ante a noticia de que 300.000 pacientes da área Sanitaria de Vigo pasan a depender do Servizo de Cirurxía Cardíaca do Complexo Hospitalario de Santiago, a Asociación Para a Defensa da Sanidade Pública de Vigo quere comunicar .
Que consideramos esta decisión como un novo golpe da Xunta e da Consellería de Sanidade ao Área Sanitaria de Vigo, que sumar aos graves problemas que presenta desde fai anos:

• As listas de Espera máis numerosa de toda tanto en número de pacientes como en tempo de Espera ( máis de 20.000 pacientes dos que o 25% esperan máis de 1 ano e o 10% máis de 2 anos, con esperas de 3 e 4 anos nos casos de próteses de cadeira e xeonllo. As listas do hospital privado POVISA superan os 200 dias, as peores de todos os hospitais de Galicia, a pesar do cal váiselle a renovar o concerto co Sergas por 10 anos.
• A privatización d o Novo Hospital mediante un contrato de concesión de obra pública tipo PFI, que reduce as súas dimensións, camas e servizos, cuxo programa funcional convérteo nun hospital de segundo nivel. Todos estes recortes están dirixidos a garantir a rendibilidade á empresa privada concesionaria.

Agora a Conselleria de Sanidade decidiu que do Complexo Hospitalario deixe de ser centro de referencia de Ciruxía Cardíaca  para as áreas de Pontevedra e O Salnes (300.000 habitantes) que serán atendidos polo Complexo Hospitalario de Santiago.
O Servizo de Cirurxía Cardíaca do Complexo Hospitalario de Vigo era referencia para a Rexión Sur de Galicia (Pontevedra e Orense )con 1.200.000 habitantes e realizaba entre 800 e 900 intervencións de Cirurxía Cardíaca ao ano. Agora, decídese reducir a súa área de referencia en 300.000 habitantes coa consecuente redución de actividade, equipamento, dimensións e profesionais do Servizo de Vigo.
O proxecto  orixinal do Novo Hospital de Vigo, arrumbado por Núñez Feijoo, contemplaba un Hospital docente e investigador, de alta especialización e alta tecnoloxía. Para iso son necesarios servizos que atendan a unha masa crítica de pacientes e profesionais suficiente para poder atender toda a complexidade dunha determinada especialidade. Ao mesmo tempo o Servizo de Cirurxía Cardíaca influencia a outros servizos e actividades como Cardioloxía, Hemodinámica, anxiografía etc. Todo iso o perderemos.
Consideramos que a finalidade deste novo recorte do Complexo Hospitalario de Vigo, é favorecer os intereses da empresa privada concesionaria xa que se reduce o proxecto e a complexidade do Novo Hospital para mellorar a rendibilidade do investimento. Estes servizos de alta especialización e tecnoloxía, obrigan a manter estruturas de altos custos para un número de pacientes relativamente pequeno, o que supón unha ameaza para o beneficio da concesionaria.