Plataforma en Defensa da Sanidade Pública

Ante as noticias aparecidas en prensa sobre posibles irregularidades e arbitrariedades na convocatoria da Xefatura de Servizos de Psiquiatría do Complexo Hospitalario de Pontevedra a Asociación Galega para a Defensa da Sanidade Pública quere comunicar que:

1. Preténdese cesar a un xefe de servizo que leva desempeñando o cargo desde hai máis de 30 anos, cuxo servizo presentan un dos mellores indicadores de funcionamento dos hospitais galegos.
2. Todos os indicios fan sospeitar que se trata dunha decisión política con catro finalidades ben concretas:
• - Unha represalia contra un profesional que desempeñou responsabilidades na Consellería de Sanidade no goberno bipartito integrado por PS de G-PSOE e BNG. É dicir un aviso a navegantes para quen se atrevan a comprometerse con administracións contrarias ao PP.
• - Facer evidente que calquera xefe de servizo non adepto ao réxime pode pór en perigo a súa continuidade no cargo
• - Sacar da xefatura de servizo a un profesional comprometido coa sanidade pública que fixo funcionar eficientemente un servizo hospitalario e que é contrario á política de recortes no mesmo.
• -Xerar un clima de temor entre os profesionais sanitarios para que acepten sen protestar, (co argumento da crise), os recortes de recursos nos seus servizos e nos seus dereitos laborais.
3. Tanto a composición do tribunal como a falta de transparencia que rodea a convocatoria da praza fan sospeitar que a decisión esta adoptada de antemán e que vai dirixida a expulsar da xefatura ao Dr. Víctor Pedreira, destacado integrante da Asociación para a Defensa da Sanidade Pública e da Plataforma SOS Sanidade Pública de Pontevedra