Plataforma en Defensa da Sanidade Pública

Para acadar os obxectivos de Bruxelas, o E. Español deberá rebaixar o défice orzamentario ao 3% en 2014 para cumprir co chamado Pacto de Estabilidade. Para ilustrar tamaña escabechina de "aforro" de 65.000 millóns de euros ata 2014 vai o cadro adxunto, sacado dunha nota en inglés que o goberno de Rajoy quixo furtar aos xornalistas na rolda de prensa do outro día.

A suma do cadro dá 56.000 millóns. Aínda falta saber de onde van sacar os 9.000 millóns que non aparecen aí.
Como se pode apreciar:

• Acábase coa lei dependencia: tíranlle 3.000 millóns.
• Os parados non o teñen nada fácil: desaparecen 13.000 millóns para emprego.
• Os servizos públicos, nomeadamente educación e sanidade tócanlle 9.000 millóns menos.
• A recadación dos impostos indirectos, os que graban especialmente as rendas baixas, representan o dobre que os directos (sociedades e IRPF).

E o pior de todo é que nada garante que neste período de dous anos e medio decidan ampliar este saqueo ou que finalizado o mesmo non continúen ata que nos quiten o aire, aínda que, evidentemente, dependerá da resistencia que ofreza a cidadanía a estas draconianas medidas.
E nin que dicir ten os efectos contractivos destes recortes procíclicos, que agravando tanto a recesión, farán produndizar aínda máis unha crise inducida pola ideoloxía neoliberal causando grandes penurias e calamidades ao pobo.