Plataforma en Defensa da Sanidade Pública

A concesión de obra pública ou colaboración público-privada (CPP), tamén chamada private finance iniciative (PFI) no mundo anglosaxón, é un descarado exercicio de enxeñería financeira para realizar investimentos públicos con sobrecusto, eludindo á súa vez os déficits e o endebedamento a elas asociado. O truco está en que o crédito destinado a financiar obras (hospitais, autovías, etcétera) formalízao a empresa concesionaria, imputando o activo no balance da mesma ata que finalice a concesión (20 ou 30 anos). Construída a autovía, esta opera para a Administración, que á súa vez paga á empresa un canon anual que inclúe o custo da débeda, o mantemento e parte dos beneficios empresariais. E así todos os anos da concesión. Cando esta finaliza, o activo entrégase ao sector público.
Publicado en La Voz de Galicia