Plataforma en Defensa da Sanidade Pública

Os veciños concentráronse esta vez diante dos terreos adquiridos polo Concello de Cangas e cedidos ao Sergas

Representantes dos colectivos veciñais do Hío concentrados diante dos terreos adquiridos polo Concello para o centro.

Preparada por moitos e anunciada por ningún, tivo lugar onte pola mañá unha concentración de protesta diante dos terreos que o Concello de Cangas adquirira cun préstamo para cedelos ao Sergas coa intención de que se construíse o centro de saúde Aldán-O Hío. É a segunda concentración desta semana pola mesma causa. A anterior foi o luns, cando os colectivos veciñais do Hío aproveitaron a estancia do alcalde José Enrique Sotelo (PP) na parroquia para facerlle chegar as súas queixas, para que as fixese chegar ao Sergas e coa intención de que pedise explicacións. Sotelo sorteou como puido aos veciños e produciuse un rifi rafe con eles, que non pasou por alto para ninguén.
Publicado en Faro de Vigo