Plataforma en Defensa da Sanidade Pública

A Asociación Galega para a Defensa da Sanidade Pública ante as declaracións do ministro de economía sobre excluír ás persoas de maior renda da Sanidade Pública ten que sinalar:

1. O ministro parece descoñecer que a financión actual da Sanidade Pública realízase a través dos impostos (IRPF,IVE, impostos especiais) e que polo tanto non ten sentido que as persoas que pagan impostos, e se o fan legalmente pagan mais, deixen de ter dereito ás prestacións sanitarias, salvo claro esta que o que se pretenda é que deixen de pagar impostos ou unha parte deles. Un bo servizo público necesita un financiamento suficiente e esta só pode vir dun sistema fiscal progresivo onde pagan mais os que mais teñen.
2. O colectivo de persoas que gañan mais de 100.000 é reducido, polo que o gasto sanitario que producen supondrian cambios mínimos na presión asistencial do sistema sanitario.
3. E ben coñecido que para que un servizo público teña calidade é preciso que atenda a toda a poboación, sen discriminación de renda nin de grupo social. Como xa se sinalou "un servizo para pobres será sempre un pobre servizo" e significaría volver ao modelo de beneficencia con prestacións escasas e de baixa calidade para a maioría da poboación, a que ten menos recursos.
4. As persoas de elevada renda excluídas da Sanidade Pública terán reducións de impostos para contratar seguros privados o que descapitalizara a sanidade pública e dará orixe a unha sanidade para ricos e para o resto da poboación

O Sr Ministro de Economía propón unha formula ao Lethman Brothers que cambiaría o modelo sanitario cara ao norteamericano onde co maior gasto sanitario do mundo (3 veces o galego per capita) mais de 50 millóns de persoas non teñen dereito á atención sanitaria e outras tantas teñen unha asistencia sanitaria con prestacións moi limitadas.